ஆள்களப்பெயர் (Domain Name) வாங்கலும், பின்விளைவுகளும்.

ஆள்களப்பெயர் (Domain Name) வாங்கலும், பின்விளைவுகளும்.

டொமைன்  என்பது ஒரு இணைய தளத்தின் URL உள்ள பெயர்கள் எனச் சொல்லலாம். உதாரணம் google.com ல் google மற்றும் com என்கிற பெயர்கள். com என்பது உச்ச களப்பெயர் [Top Level Domain] google என்பது இரண்டாம்நிலை களப்பெயர் [second Level Domain]. இலவச தளங்களின் பெயர் அந்நிறுவனப் பெயருடன் சேர்ந்து இருக்கும் xxxxx.blogspot.com . நிறுவனப்பெயரை நீக்க நீக்க வேண்டுமானால், வாடகைக்கு டொமைன் வாங்க வேண்டும். (xxxxxxxxx.com அல்லது xxxxxxxxx.net என இருக்கும்.) இப்பெயர்களையே ஆங்கிலத்தில் Domain Name என்கிறார்கள்.

ஆள்களப் பெயர்  {Domain Name} என்பது இணையத்தளத்தின் இருப்பிடப் பெயர். பெயர்  இருக்கும் ஒரு இடத்தில் மட்டும் தளத்தை உருவாக்குவது கடினம், உருவாக்கிய எல்லா இடத்திலும் பெயர் வைப்பதும் அரிது.(அமெரிக்காவில் பெயர் இருக்கும்.இணையத்தளமோ இந்தியாவில் இருக்கும்.) அதனால் தான் இரண்டும் வேறு வேறு நிலைகளில் செயல்படுகிறது. இணையதளம் இருக்குமிடத்தை, வலைப்பதிவு வழங்கி [blog server] என்றும் முகவரி வாங்குமிடத்தை பெயர் வழங்கி [Name Server] என்றும் சொல்லலாம். பெயருக்கேற்ப பதிவிடுவதை விட, பதிவிற்கேற்ற பெயர் வைப்பது ஒரு சிறந்த உத்தி ஆகும்.

உதாரணமாக சிந்தனைக்களம் என்று போட்டு விட்டு, சிந்திக்காமல், காமெடி இந்துக் கடவுள்களை வணங்குவதும்,சாமியர்களிடம் செல்வதும்,கண்மூடிக் கொண்டு ஒன்றைப் பின்பற்றுவதும், இப்படி இருக்கக் கூடாது......இது அட்மினிற்கு அல்ல,பதிவர்களை மட்டும் குறிப்பிடுகிறேன்.

அதனால் பதிவுகளுக்கு முன்னுரிமை வழங்கும் நிலையில், டொமைன் பெயரென்பது நிலையானதாகவும் அடிக்கடி மாறுவதாகவும் இருக்ககூடாது. ப்ளாக்கர், வேர்ட்பிரஸ் போன்ற தளங்கள் இலவசமாக வழங்கும் நிலையில், டொமைன் பெயர் வாங்கும்முன் இதற்கு சரியான தேவையுள்ளதா என ஆராய்வது சிறந்ததாகும்.

டொமைன் என்பது வருடாந்தர ரீதியாக வாடகைக்கு எடுக்கப்படும் என்பதால், அந்தப் பெயர் நீங்கள் பணம் கட்டும் வரை தான் செயல்படும். மீண்டும் போடப்படும் ஒப்பந்தம் குறிப்பிட்ட நாள் வரை மட்டுமே. நீங்கள் அப்பெயருக்கு வாடகைதாரர் என்பதை நினைவில் கொள்ள வேண்டும்.
ஒப்பந்தம் முடியும் போது, மீண்டும் பணம் கட்ட தவறினால், அடுத்தவர்களுக்கு அப்பெயர் போக வாய்ப்புள்ளது.

ஒரு முறை டொமைன் மாற்றுவதால், பழைய முகவரிகளின் இணைப்பை
எல்லாம் இழக்க நேரிடும். இங்கு இணைப்பு எனப்படுவது தேடுதளங்களின் இணைப்பு, அலெக்சா முதலிய தளங்களின் கணிப்பு, மற்றவர் தளங்களில் சுட்டி கொடுத்த கவனிப்பு என எல்லாமும் தவறிவிடும்.

டொமைன்(Domain) ஹைஜாக் மற்றும் டி.என்.எஸ்.(DNS) ஹைஜாக் (Domain hijacking or domain theft  என்பது முதலில் பதிவு செய்தவரின் அனுமதி இன்றி, பதிவை மாற்றுவதாகும்)  போன்ற வெளிநபர் அச்சுறுத்தல்களை சமாளிக்கும் வல்லமை கொண்டதா என்று, நீங்கள் வாங்கும் நிறுவனத்தைப் பார்க்கவேண்டும்.

ஆரம்ப காலங்களில் கவர்ச்சியான விளம்பரங்கள் மூலம் டொமைன் பெயர் விற்கப்படலாம்.  பின் வாங்கிய விலையில் மாற்றம் நிகழாலாம். அதுவரை சேர்த்த இணைய மதிப்பை இழக்க விரும்பாமல், நீங்கள் பணத்தை மீண்டும் கட்ட நேரிடலாம்.

டொமைன் வழங்கும் நிறுவனம் உங்கள் பெயருக்கு தனியான ip தராத நிலையில்[மலிவு விலை], அதே ஐ.பி.யில் இயங்கும் மற்றொரு தளத்தினால் பாதிப்பு வரலாம். உதாரணமாக அந்த தளத்தை தடை செய்ய முயற்சித்தால், அதன் ஐ.பி.யைப் பயன்படுத்தும் போது, அது உங்களையும் பாதிக்கும்.

அந்த டொமைன் வழங்கி பிறிதொரு காரணத்திற்காக சோர்வடைந்து விட்டால், உங்கள் டொமைன் முகவரிக்கு தளத்தை திறக்காமல் செய்யவும் கூடும்..

வர்த்தகரீதியாக அல்லது தனித்தன்மையுடன் இருக்க விரும்புகிறவர்கள், தொடர்ந்து எழுதுபவர்கள், பல வசதிகள் விரும்புகிறவர்கள் தவிர, மற்றவர்கள் நங்கு யோசித்து ஆள்களப்பெயர் வாங்க களமிறங்கவும். இறுதியாக டொமைன் முகவரி லாபாமா நஷ்டமா? என்றால் நீங்கள் எதற்கு வாங்குகிறீர்கள் என்பதைப் பொறுத்தே இது அமையும்.

மேலே சொல்லப்பட்டவை வழங்கும் நிறுவனத்திற்கு நிறுவனம் மாறலாம்.

கண்டிப்பாக உண்மைதான் ....நமது தளம் கண்டிப்பாக நல்ல கம்பெனி உடன் தான் டொமைன் வாங்கி இருப்பாங்க என்று நம்புகிறோம் ...அதை அட்மின் அவர்கள் கூறவேண்டும்