தமிழகத்தை துச்சமென மதிக்கும் சிறிலங்கா - ஜெயலலிதாவின் பதிலடி என்ன?.

by **மாலதி** Mon Jul 09, 2012 7:35 am

தமிழகத்தை துச்சமென மதிக்கும் சிறிலங்கா - ஜெயலலிதாவின் பதிலடி என்ன?.

இந்தியாவில், சிறிலங்காப் படையினருக்கு பயிற்சி வழங்கும் நடவடிக்கைக்கு
தமிழ்நாட்டு அரசியல்வாதிகளிடம் இருந்து எதிர்ப்புக் கிளம்பினாலும்
தொடர்ந்தும் இந்தியாவுக்குப் பயிற்சிக்கு அனுப்பப்படுவர் என்று சிறிலங்கா
அரசாங்கம் கூறியுள்ளது. இது குறித்து கருத்து வெளியிட்டுள்ள சிறிலங்காவின்
ஊடகத்துறை அமைச்சர் கெஹலிய ரம்புக்வெல,

"சிறிலங்கா படையினரின் வெளிநாட்டில் உள்ள மிகப்பெரிய பயிற்சித் தளமாக
இந்தியா உள்ளது. தமிழ்நாட்டில் ஒன்பது சிறிலங்கா விமானப்படையினருக்குப்
பயிற்சி அளிக்கப்படுவதற்கு எதிர்ப்புக் கிளம்பிய விவகாரம் ஒரு தீவிரமான
விடயமே அல்ல. ஏனென்றால், தற்போது இந்தியாவின் பல்வேறு பகுதிகளிலும் 1500
தொடக்கம் 2000 வரையிலான சிறிலங்கா படையினர் பயிற்சி பெற்று வருகின்றனர்.

இது பிராந்திய அரசியல் தலைவர்களினால் அரசியல் நோக்கத்துடன்
கிளப்பப்பட்டுள்ள பிரச்சினை. இது இரு நாடுகளினதும் இராணுவ ஒத்துழைப்பில்
பாதிப்பை ஏற்படுத்தாது. தாம்பரத்தில் பயிற்சி பெற்று வந்த ஒன்பது சிறிலங்கா
விமானப் படையினரையும் இந்திய மத்திய அரசு பெங்களூருக்கு மாற்றியதற்கு
உள்ளூர் அரசியல் நெருக்கடிகள் தான் காரணம்" என்று அவர் மேலும்
கூறியுள்ளார்.