இணையத்தில் திருட்டு - ஒரு ஆய்வு

by **Rikaz** Sun Feb 28, 2010 1:59 pm

டோரண்ட் (Torrent) பற்றித் தெரிந்திருப்பீர்கள். ஒரு மெகாக் கோப்பு - அதை அனைவரும் ஒரே நேரத்தில் பகிர்ந்து, தனக்கும் பெற்றுப் பிறருக்கும் வழங்கும் செய்கையே - Torrent

உதாரணமாக 3.3 GB அளவுள்ள Visual Studio 2008 ன் ஒரிஜினல் DVD என வைத்துக்கொள்வோம். (ஒரு உதாரணத்துக்காக) அதை Torrent ஆக மாற்றிவிடுவார்கள்

டோரண்ட்டாக மாற்றுவதற்கு ஏராளமான பயன்பாடுகள் உள்ளன. டோரண்டாக மாற்றிய பிறகு கிடைக்கும் கோப்பின் கொள்ளளவு வெறும் KB அளவில் இருக்கும்.

இந்த சிறிய KB அளவில் இருக்கும் File ஐ, பைரேட்பே தளத்தில் ஏற்றிவிடுவர். இது போன்ற பல தளங்கள் உள்ளன.

யார் யாருக்கெல்லாம் Visual Studio 2008 ன் ஒரிஜினல் டிவிடி தேவையோ - (அதாவது திருட்டுக் காப்பி - நம்ம ஊர் பாஷையில் சொன்னால் - திருட்டு DVD). அவங்க எல்லோரும் பைரேட்பே தளத்தில் இருந்து அந்த சிறிய KB அளவில் இருக்கும் கோப்பை இறக்கிக்கொள்வர் (Download).

இறக்கிக்கொண்டு - அவர்கள் வசமுள்ள Torrent Client பயன்பாட்டில் இறக்கிய கோப்பினை இணைத்தால் போதும். மீதியை இந்த Torrent Client பயன்பாடே செய்துவிடும்.

ஒரே நேரத்தில் Visual Studio 2008ன் பகுதியை நீங்கள் பல்வேறு நபர்களிடம் இருந்து பெற்றுக்கொண்டும், நிறைய நபர்களுக்கு வழங்கிக்கொண்டும் இருப்பீர்கள்.

பல மணி நேரங்கள் கழிந்ததும் (அது உங்கள் இணையத்தின் வேகத்தையும் - உங்கள் பொறுமையையும் பொறுத்தது) முழு Visual Studioவும் உங்கள் கணினியில் இறங்கிவிடும்.

முழுவதும் இறங்கிய பின்னும், நீங்கள் விரும்பினால் தொடர்ந்து அதை பிறருக்கு வழங்கலாம் (seed).

இப்படி Torrent வழியாக கணக்கிலடங்காத original மென்பொருள் பயன்பாடுகளை இலவசமாக பகிர்கிறார்கள். Copyright செய்யப்பட்ட இசை, பாடல், திரைப்படங்கள் அனைத்தின் DVD வடிவங்களை இணையம் மூலம் இலவசமாகப் பகிர்கிறார்கள். இப்படிப் பகிர்வதற்கு உறுதுணையாக இருக்கும் தளங்களில் பைரேட்பே மிகுந்த செல்வாக்கு பெற்றிருக்கிறது.

இதைக் கண்ட Copyright செய்தவர்கள் கொதித்துப்போகி Swedish நீதிமன்றத்தில் வழக்கு தொடுத்தனர். பைரேட்பேயின் உரிமையாளர்கள் 4 பேர்களும் ஓராண்டு சிறைத்தண்டனை அனுபவிப்பதுடன், C$4.3 தொகையை அபராதமாகக் கட்ட வேண்டும் (Warner Bros, Sony Music Entertainment, EMI and Columbia Pictures ஆகியோர்க்கான நஷ்ட ஈடு) என நீதிமன்றம் தீர்ப்பு வழங்கியது.

இசை,பாடல்கள், படங்கள், கணினி விளையாட்டுகள் ஆகியவற்றை இலவசமாகப் பகிர்வது என்பது காப்பிரைட்டை மீறிய நடவடிக்கை. இது சட்டத்திற்கு எதிரானது. ஆனால் இன்னும் இந்தத் தளம் புழக்கத்தில் தான் உள்ளது.

இது குறித்து மேலும் தகவல் அறிய : [You must be registered and logged in to see this link.]

Disclaimer : Visual Studio 2008 என்று இங்கே ஒரு உதாரணத்துக்காக மட்டுமே கொடுத்துள்ளேன். சட்டத்தை மீறுபவர்கள் தண்டிக்கப்படுகிறார்கள் - என்பதை உணர்த்தவே இந்தப் பதிவு. மேலும் அந்தத் தளத்தில் Visual Studio 2008ன் ஒரிஜினல் டிவிடியிக்கான Torrent ஐக் கண்டேன். ஏராளமான புதிய தமிழ் திரைப்படங்களின் torrent வடிவையும் அங்கே ஏற்றியிருக்கின்றனர்.

இணையம், கணினி மூலம் எவ்வளவு தூரம் குறுக்கு வழியில் ஏமாற்றினாலும், நீதிமன்றம் Court என இருப்பதனால் காப்பிரைட் செய்தவர்களுக்கு ஓரளவு நிம்மதி. இதைத்தான் நம்ம ஊரில் சொல்லுவாங்க - உப்பைத்தின்னா தண்ணி குடிக்கனும்னு.

இது குறித்த கீழ்க்கண்ட காணொளிகளைக் காணுங்கள்