மாவீரர் மண்ணில் மரண வீட்டில் இராணுவம் அடாவடி -ஆனாலும்...............படங்கள்.

புதுக்குடியிருப்புப் பகுதியில் கனகசபை சிங்கரட்ணம் என்பவரின் காணிகளை இராணுவத்தினர் அபகரித்து வைத்துள்ளனர். தனது காணிகளையும் வீடுகளையும் விடுவிக்குமாறு குறித்த முதியவர் பல தடவைகள் இராணுவத்தினரிடம் கோரிக்கை விடுத்து வந்துள்ளார்.

எனினும் இராணுவத்தினர் அவரின் கோரிக்கைகளுக்குச் செவிசாய்க்கவேயில்லை. இதனால் மனமுடைந்த அவர் நோய்வாய்ப்பட்டுள்ளார். அப்போதும் இராணுவத்தினரிடம் சென்று தான் இறப்பதற்கு முன்னர் காணிகளை தன்னிடம் தந்துவிடுமாறு அவர் கோரியிருக்கின்றார்.

இராணுவத்தினர், இந்தக் காணிகளை விடுவிக்க முடியாது என்றும் சிங்கரட்ணத்திடம் தெரிவித்துள்ளனர்.  இதனால் இன்னும் மனமுடைந்த அவர் நேற்று முன்தினம் வெள்ளிக்கிழமை சுகயீனமுற்று உயிரிழந்து விட்டார்.

சிங்கரட்ணத்தின் ஆசைகளை அறிந்திருந்த அவரின் பிள்ளைகள், தந்தையின் உடலை அடக்கம் செய்வதற்கு முன்னர் அவரது சடலத்தை அவரின் காணிக்கு முன்பாக வைத்து அஞ்சலி செலுத்தினர்.  இந்தநிலையில் அங்கு வந்த சிறிலங்காப் படையினரும் காவல்துறையினரும் அங்கு கூடி நின்றவர்கள் மீது தாக்குதல் நடத்தி விரட்டியடித்தனர்.

இந்தச் சம்பவம் அப்பகுதி மக்களிடையே கடும் வேதனையை ஏற்படுத்தியுள்ளது.

தமிழ் மக்களின் இறுதி நிகழ்வுகளை கூட தமது சொந்த நிலத்தில் செய்ய முடியாத நிலையை சிங்கள அரசு ஏற்படுத்தியுள்ளதுடன் தமிழர் தாயகத்தில் சிங்களப்படைகளின் அத்துமீறல்களும் நில அபகரிப்புக்களும் அதிகரித்துள்ளன.

ஆனாலும்.........................

தமிழர்  நிலத்தில் ............இது இராணுவத்திற்கான சொகுசு பங்களா.

புதுக்குடியிருப்பு புதுப்புலவுப்பகுதியில் மக்களுக்கு சொந்தமான 17 ஏக்கர் காணியை சிறிலங்காப் படையினர் ஆக்கிரமித்துள்ளனர். பொதுத்தேவைக்கென கூறி குறித்த நிலப்பரப்பை அபகரித்த அரச அதிகாரிகள் அதனை சிறிலங்காப் படையினருக்கு சட்டபூர்வமாக கையளித்துள்ளனர்.
இது  போல் பல...............

இதனால் காணிகளை இழந்த மக்கள் தமது காணிகளை மீண்டும் தம்மிடம் ஒப்படைக்கவேண்டும் என பிரதேச செயலாளரிடம் முறையிட்டுள்ளனர். சிறிலங்காப் படையினர் குறித்த 17 ஏக்கர் நிலப்பரப்பையும் அபகரித்துள்ளதால் மக்கள் மீள்குடியேறமுடியாத நிலை ஏற்பட்டுள்ளதாக தெரிவிக்கப்படுகின்றது.

ஆனாலும் நம் மக்கள் இங்கே.................

பல இன்னல்கள் எப்போதுதான் தீரும்