கூகிள் உருவாக்கும் மனிதர்கள் ஓட்டாமல் தானே ஓடும் கார்

by **மாலதி** Thu May 29, 2014 8:05 am

கூகிள் உருவாக்கும் மனிதர்கள் ஓட்டாமல் தானே ஓடும் கார்

டிரைவர் இல்லாமல் ஓடும் கார்களை ஹாலிவுட் படங்களில் பார்த்திருக்கலாம். 1977ல் வெளிவந்த “தெ கார் ” என்ற ஹாலிவுட் படம், ஆளில்லாத கார் ஒன்று அமெரிக்க நகருக்குள் புகுந்து செய்யும் நாசத்தை மிகவும் த்ரில்லிங்காகக் காட்டியிருந்தது. பேய் ஒட்டிவந்த கார் என்பதாக செல்லும் அந்தப் படக்கதை.
ஆனால் இப்போது , உலகப் பிரசித்தி பெற்ற கூகிள் நிறுவனம் ஆளில்லாக் கார்களை உருவாக்கும் முயற்சியைத் தொடங்கவிருப்பதாக அறிவித்திருக்கிறது.
காரோட்டிகள் செய்யும் தவறுகளை அகற்றி , காரோட்டும் வேலையை மேலும் பாதுகாப்பானதாக மாற்றுவதே இதன் நோக்கம் என்று கூகிள் நிறுவனம் கூறுகிறது.
கூகிள் உருவாக்கும் மனிதர்கள் ஓட்டாமல் தானே ஓடும் கார் 10339665_10154232364990637_6814105996555983033_n

கூகிள் உருவாக்கும் மனிதர்கள் ஓட்டாமல் தானே ஓடும் கார் 10339665_10154232364990637_6814105996555983033_n

இதுவரை, கூகிள் நிறுவனம், இந்தத் தொழில் நுட்பத்தை உருவாக்கும் முயற்சியில், தற்போது இருக்கும் கார்களை மாற்றியமைத்து, சுமார் 10 லட்சம் கிலோமீட்டர்கள் ஆளில்லாத நிலையில் ஓட்டிப் பார்த்துப் பரிசோதித்திருக்கிறது.
இது போல தானே ஒட்டிக்கொள்ளும் சுமார் நூறு கார்களை உருவாக்க கூகிள் திட்டமிடுகிறது. இது போன்ற கார்களில் ஸ்டியரிங் சக்கரமோ அல்லது பெடல்களோ இருக்காது. காரை நிறுத்துவதற்கும், ஓட்ட ஆரம்பிப்பதற்குமான பொத்தான்கள் மட்டுமே இருக்குமாம்.
மனிதர்கள் ஓட்டாத கார்கள் தேவை என்று வாதிடுபவர்கள், இந்த மாதிரி தொழில்நுட்பம் வந்தால்தான் , விபத்துக்கள் குறையும் என்று கூறுகிறார்கள்.
ஆனால் வேறு சில ஆராய்ச்சியாளர்கள், இந்த தொழில்நுட்பம் போக்குவரத்தையும் , நகர நெரிசலையும் மேலும் மோசமாக்கும் என்று கூறுகிறார்கள்.

by **மாலதி** Thu May 29, 2014 8:06 am

by **மாலதி** Thu May 29, 2014 8:06 am

by **sakthy** Thu May 29, 2014 1:08 pm

சில மேலதிக தகவல்கள் ..................

தெருவில் உள்ள அடையாளங்கள்,காரின் முன்னே பின்னே வரும் கார்கள்,வேறு வாகனங்கள்,மனிதர்கள்,தெருவின் எல்லைகள்,அடையாளங்கள் ( lane markings ) விளக்குகள் (traffic lights) என அனைத்தையும் காரின் மேல் பகுதியில் உள்ள காமெராவும் உணர்விகளும்(sensors) கண்டறிகின்றன. அத்துடன் GPS , Google Map,satellite-navigation systems இவற்றைப் பயன்படுத்தி தூரம் போன்றவற்றை கணக்கிட்டு, கணினி மூலம் ஆய்வு செய்து இந்தக் கார் தன்னை ஓடச் செய்யும்.

தானாக நிறுத்தவும்,அவசர நிறுத்தம் (emergency braking), நிறுத்தும் இடங்களில் சரியாக நிறுத்துவது (auto-parking systems) போன்றவற்றை சரியாகக் கணக்கிட்டு
செயல்படுகிறது..Gyroscopes, accelerometers , altimeters போன்றவற்றைக் கொண்டும்,
காமெராக்கள் வானலைகள் மூலமும் radar + lidar முறையைப் பயன்படுத்தி செயல்படுகிறது.

கூகிள் கார்கள் 3D முறையில் படங்களை உருவாக்கி தெரு ஓரங்களையும் அடையாளங்களையும் துல்லியமாக கண்டறிகிறது.அதுமட்டுமல்லாது பயணிக்கும் போது அடுத்த,மற்றைய தெருக்களின் விபரங்கள்,,விபத்து விபரங்கள் போன்றவற்றைக் கண்டறிந்து வேகத்தை தேவைக்கேற்ப மாற்றிக் கொள்கிறது.காரின் மேலே உள்ள காமெராவும் உணர்விகளும் எல்லாப் பக்கமும் சுற்றக் கூடியதாக இருப்பதால் விபரங்களை சரியாக எடுத்துக் கொள்ள முடிகிறது.