மாண்டிசோரி முறைக் கல்வி என்றால் என்ன ?What is the Montessori method of education?

by **Tamil** Tue May 13, 2014 6:59 am

[You must be registered and logged in to see this image.]
இத்தாலியில் மருத்துவ பட்டம் பெற்ற முதல் பெண் மற்றும் சிறு குழந்தைகளை பயிற்றுவிக்க ஒரு புதிய முறையை உருவாக்கியா
மரியா மாண்ட்டிசோரி...
மரியா மாண்ட்டிசோரி ஆகஸ்ட் 31, 1870 தொடக்கம் மே 6, 1952 வரை வாழ்ந்தார்.இவர் இத்தாலியைச் சேர்ந்த கல்வியாளர்,மனோதத்துவ மருத்துவர்.இத்தாலியில் மருத்துவ பட்டம் பெற்ற முதல் பெண்.இவர் சிறு குழந்தைகளை பயிற்றுவிக்க ஒரு புதிய முறையை உருவாக்கி ஜனவரி 6,1907 இல் ரோம் நகரில் தனது பள்ளியில் அறிமுகப்படுத்தினார்.
மாண்டிசோரி முறைக் கல்வி
****************************************
இவரது முறையை பின்பற்றி கல்வி கற்ற குழந்தைகள் சிறு வயதிலேயே விளையாட்டை விட வேலையில் சாதிக்க அதிக ஆர்வம் காட்டினர். தொடர்ந்து மூளைக்கு வேலை கொடுத்தாலும் அதிகம் களைப்படைவதில்லை. இதனால் இவரது முறையை ஐரோப்பா முழுவதும் பயன்படுத்த துவங்கினர்.நெதர்லாந்தில் மிக புகழ் வாய்ந்த ஆசிரியப்பயிற்சி பள்ளியை நிறுவினார்.பின்னாளில் 1939 முதல் 1947 வரை இந்தியாவிலும் இலங்கையிலும் பணியாற்றினார்.
இந்த கல்வி முறை குழந்தைகள் தாமாக முன்வந்து செயல்படுவதற்கும்,தனது தேவைகளை தானே செய்து கொள்ளவும் வழி செய்கிறது. இந்த முறையில் நடக்கும் வகுப்புகளில் ஆசிரியர்கள் இல்லை,மாறாக அவர்கள் வழிநடத்துபவர்கள் என்றே கருதப்படுகிறார்கள்.
குழந்தைகள் புதியவற்றை தாமாக முன்வந்து ஆர்வமுடன் கற்றுக் கொள்ளவும்.அவர்கள் தவறான பழக்கங்களை கற்றுக் கொள்ளாமலும், குழந்தைகளின் முயற்சிகள் வீணாகிப் போகாமலும் பார்த்துக் கொள்வதே இந்த வழிநடத்துபவர்களின் (ஆசிரியர்களின்) பணி. இவரது மிகச்சிறந்த புத்தகங்கள் "The Absorbent Mind", "The Discovery of the Child"
[You must be registered and logged in to see this link.]
**********************************************************
கேடில் விழுச்செல்வம் கல்வி ஒருவற்கு
மாடல்ல மற்றை யவை (அதிகாரம்:கல்வி குறள் எண்:400)
பொழிப்பு: ஒருவனுக்கு அழிவு இல்லாத சிறந்த செல்வம் கல்வியே ஆகும்; கல்வி தவிர மற்றப் பொருள்கள் (அத்தகைய சிறப்புடைய ) செல்வம் அல்ல.
மணக்குடவர் உரை: ஒருவனுக்குக் கேடில்லாத சீரிய பொருளாவது கல்வி: மற்றவையெல்லாம் பொருளல்ல.
இது கல்வி அழியாத செல்வமென்றது.
பரிமேலழகர் உரை: ஒருவற்குக் கேடு இல் விழுச் செல்வம் கல்வி - ஒருவனுக்கு அழிவு இல்லாத சீரிய செல்வமாவது கல்வி, மற்றையவை மாடு அல்ல - அஃது ஒழிந்த மணியும் பொன்னும் முதலாயின செல்வமல்ல.(அழிவின்மையாவது : தாயத்தார், கள்வர், வலியர், அரசர் என்ற இவரால் கொள்ளப்படாமையும் வழிபட்டார்க்குக் கொடுத்துழிக் குறையாமையும் ஆம். சீர்மை : தக்கார்கண்ணே நிற்றல். மணி , பொன் முதலியவற்றிற்கு இவ்விரண்டும் இன்மையின், அவற்றை 'மாடு அல்ல' என்றார். இவை ஐந்து பாட்டானும் கல்வியது சிறப்புக் கூறப்பட்டது.)
குன்றக்குடி அடிகளார் உரை: ஒருவனுக்கு அழியாத சிறந்த செல்வம் கல்வியேயாம். மற்றவை செல்வங்கள் அல்ல. அழியாது இருப்பதாலும் பிறவிதோறும் தொடர்வதாலும் களவு முதலியனவற்றிற்கு உட்படாததாலும் பிறருக்கு வழங்கக் குறைவுபடாததாலும் 'கேடில் விழுச் செல்வம்' என்றார். கல்வி, கற்றாரை உயர்த்துவதால் 'விழுச்செல்வம்' என்றார். இத்தகு சிறப்புக்கள் மற்ற 'பொருள்' முதலியவற்றிற்கு இல்லாமையால் அவை, 'செல்வம்' அல்ல என்றார்.
[You must be registered and logged in to see this link.]

by **மாலதி** Tue May 13, 2014 2:55 pm

நன்றிகள் தமிழ்

மாண்டிசோரி முறைக் கல்வி என்றால் என்ன ?What is the Montessori method of education?

மாண்டிசோரி முறைக் கல்வி என்றால் என்ன ?What is the Montessori method of education?

Re: மாண்டிசோரி முறைக் கல்வி என்றால் என்ன ?What is the Montessori method of education?