டாடா மோட்டார்ஸ் நிறுவனத்தின் நிர்வாக இயக்குனர் Karl Slym மரணம்! Tata Motors Managing Director Karl Slym passed away!

by **Tamil** Mon Jan 27, 2014 7:25 am

டாடா மோட்டார்ஸ் நிறுவனத்தின் நிர்வாக இயக்குனர் Karl Slym மரணம்!

Tata Motors Managing Director Karl Slym passed away!

பாங்காக்கில் இன்று நடக்க இருந்த டாடா மோட்டார்ஸின் போர்டு மீட்டிங்கில் கலந்துகொள்ள சென்றிருந்ததார் அந்நிறுவனத்தின் நிர்வாக இயக்குனர் Karl Slym(51). அப்போது அங்கிருந்த ஹோட்டல் ஒன்றின் மேல் தளத்தில் நின்றிருந்தபோது, கால் தவறி கீழே விழுந்ததால் அவர் மரணமடைந்துவிட்டதாக தகவல்கள் தெரிவிக்கின்றன.

ஸ்டான்ஃபோர்டு பல்கலைக்கழகத்தில் படித்தவர் Karl Slym. டாடா மோட்டார்ஸ் நிறுவனத்தில் 2012-ஆம் ஆண்டு அக்டோபர் மாதம் இணைந்தார். அதற்குமுன்பு வெளிநாடுகளில் டொயொட்டா மற்றும் ஜெனரல் மோடார்ஸ் நிறுவனங்களில் பணியாற்றியிருக்கிறார். 2007 முதல் 2011 வரை நம்நாட்டில் ஜெனரல் மோட்டார்ஸ் இந்தியா நிறுவனத்தின் நிர்வாக இயக்குனராக பணியாற்றியிருக்கிறார். செவர்லே பீட் டீசல் மாடலை இங்கு அறிமுகப்படுத்துவதற்கு முக்கியக் காரணம் இவரே. இந்தியாவில் பணியாற்றுவதை மிகவும் விரும்பினார் Karl Slym.

2012-ஆம் வருடம் ரத்தன் டாடா அவர்களின் வேண்டுகோளுக்கு ஏற்ப டாடா மோட்டார்ஸ் நிறுவனத்தில் நிர்வாக இயக்குனராக இணைந்தார் Karl Slym.

டாடா மோட்டார்ஸ் நிறுவனத்தை மீண்டும் சிறப்பாக செயல்பட வைக்க முன்னின்று வழிநடத்திக் கொண்டிருந்தவர் இவர். டாடா நானோவின் இமேஜை உயர்த்தி, அதன் விற்பனையை அதிகரிக்க திட்டமிட்டது இவரும் இவருடைய டீமும்தான். டாடா மோட்டார்ஸ் விரைவில் அறிமுகப்படுத்த இருக்கும் 'ஃபால்கன்' கார்களும், சமீபத்தில் அறிமுகமான நானோ ட்விஸ்ட் காரும் இவருடைய திட்டங்களுள் ஒன்று. டாடா மோட்டார்ஸ் நிறுவனம் நல்ல நிலைமைக்குத் திரும்பிக்கொண்டிருந்த நிலையில் இவருடைய மரணம், அந்நிறுவனத்துக்குப் பின்னடைவை ஏற்படுத்தக்கூடும் என எதிர்பார்க்கப்படுகிறது.