வடமராட்சி கடற்பரப்பில் காவியாமான கடற்கரும்புலிகள் வீரவணக்க நாள்.

by **அருள்** Fri Nov 01, 2013 6:33 am

வடமராட்சி கடற்பரப்பில் காவியாமான கடற்கரும்புலிகள் வீரவணக்க நாள்.

வடமராட்சி கடற்பரப்பில் 01.11.2008 அன்று சிறிலங்கா கடற்படை கொமாண்டோக்கள் மீது தாக்குதல் நடத்தி, கடற்படையின் டோறா பீரங்கிக் கலத்தினையும், கூகர் படகையும் மூழ்கடித்த கரும்புலித் தாக்குதலில் காவியமான ஏழு கடற்கரும்புலிகளின் 5ம் ஆண்டு வீரவணக்க நாள் இன்றாகும்.

|| அன்றைய தாக்குதல் தொடர்பில்....
வடமராட்சி கடற்பரப்பில் காவியாமான கடற்கரும்புலிகள் வீரவணக்க நாள். 1383036_506215169474051_862078541_n

வடமராட்சி கடற்பரப்பில் காவியாமான கடற்கரும்புலிகள் வீரவணக்க நாள். 1383036_506215169474051_862078541_n

வடமராட்சி கிழக்கில் உள்ள மணற்காட்டுக்கு நேரான கடற்பரப்பில் 01.11.2008 அன்று சனிக்கிழமை அதிகாலை 4:00 மணியளவில் சுற்றுக்காவல் பணியில் ஈடுபட்டுக்கொண்டிருந்த கடற்புலிகள் அணியை சிறிலங்கா கடற்படையின் கூகர்-நீருந்து விசைப் படகுகள் மற்றும் விசைப்படகுகள் வழிமறித்து தாக்குதலை நடத்தின.
வடமராட்சி கடற்பரப்பில் காவியாமான கடற்கரும்புலிகள் வீரவணக்க நாள். 1395300_506215216140713_1878805622_n

வடமராட்சி கடற்பரப்பில் காவியாமான கடற்கரும்புலிகள் வீரவணக்க நாள். 1395300_506215216140713_1878805622_n

சுமார் 15 நிமிட நேரம் கடற்புலிகள் அணிக்கும் சிறிலங்கா கடற்படையினருக்கும் இடையில் கடும் மோதல் இடம்பெற்றது.

கடற்புலிகளின் தாக்குதலை எதிர்கொள்ள முடியாத சிறிலங்கா கடற்படையினர் பின்வாங்கிச் சென்றனர்.
வடமராட்சி கடற்பரப்பில் காவியாமான கடற்கரும்புலிகள் வீரவணக்க நாள். 1452271_506215242807377_1398251474_n

வடமராட்சி கடற்பரப்பில் காவியாமான கடற்கரும்புலிகள் வீரவணக்க நாள். 1452271_506215242807377_1398251474_n

இதன் பின்னர், இன்று அதிகாலை 5:20 நிமிடமளவில் கடற்புலிகளின் படகுகள் நாகர்கோவில் கடற்பரப்பில் சென்று கொண்டிருந்த போது, பருத்தித்துறையிலிருந்து ஆழ்கடல் நடவடிக்கையில் ஈடுபட்டிருந்த ஆறு டோறா பீரங்கிப் படகுகள், நீருந்து விசைப்படகுகள், கடற்படையின் கொமாண்டோக்களுக்காக வடிவமைக்கப்பட்ட கூகர் படகு உள்ளிட்ட 20 படகுகளுடன் கடற்புலிகளினதும் கடற் கரும்புலிகளினதும் படகுகளை தாக்கியழிக்க சிறிலங்கா கடற்படையினர் வியூகம் அமைத்து காத்திருந்தனர்.
வடமராட்சி கடற்பரப்பில் காவியாமான கடற்கரும்புலிகள் வீரவணக்க நாள். 1385095_506215282807373_1979736762_n

வடமராட்சி கடற்பரப்பில் காவியாமான கடற்கரும்புலிகள் வீரவணக்க நாள். 1385095_506215282807373_1979736762_n

இந்த வியூகத்தை கடற்புலிகளும் கடற்கரும்புலிகளும் இணைந்து தீவிர தாக்குதல் மூலம் உடைத்தெறிந்தனர்.

இதில் டோறா பீரங்கிப்படகு ஒன்றும் கூகர் கலம் ஒன்றும் கடற்புலிகளாலும் கடற்கரும்புலிகளாலும் அந்த இடத்திலேயே தாக்கி மூழ்கடிக்கப்பட்டன.

அத்துடன் கரையோர நீருந்து விசைப்படகு ஒன்று கடுமையாக சேதமாக்கப்பட்டது. ஏனைய பல படகுகள் சேதங்களுக்குள்ளாகின.
வடமராட்சி கடற்பரப்பில் காவியாமான கடற்கரும்புலிகள் வீரவணக்க நாள். 1390593_506215302807371_2115868042_n

வடமராட்சி கடற்பரப்பில் காவியாமான கடற்கரும்புலிகள் வீரவணக்க நாள். 1390593_506215302807371_2115868042_n

அதேவேளை, சிறிலங்கா வான்படையின் கிபீர் வானூர்திகளும் கடற்படையினருடன் இணைந்து தாக்குதல் நடத்தியுள்ளதுடன் தரையிலிருந்து பல்குழல் வெடிகணைத் தாக்குதலை சிறிலங்கா தரைப்படையினர் நடத்தினர்.

கடற்புலிகளின் தீவிரமான தாக்குதலுக்கு ஈடுகொடுக்க முடியாது சிறிலங்கா கடற்படையினர் காங்கேசன்துறைக்கு பின்வாங்கி ஓடினர்.

இத்தாக்குதலில் சிறிலங்கா கடற்டையைச் சேர்ந்த 20 பேர் கொல்லப்பட்டனர். கடற்படையினருக்கு அழிவை ஏற்படுத்திய இம்மோதலில் கடற்கரும்புலிகள் ஏழு பேர் வீரச்சாவடைந்துள்ளனர்.

இதே நாளில் தாயக விடுதலை வேள்வி தன்னில் கடலிலும் - தரையிலும் தங்கள் உயிரை அர்பணித்து மண்ணை மக்களைக் காத்த மாவீரர்களுக்கு எமது வீரவணக்கங்கள்…!

|| புலிகளின் தாகம் தமிழீழத் தாயகம் ||