வெள்ளைவான்(van ) இந்தக் கலாச்சாரத்தை தமிழ் நாட்டிலும் அறிமுகப்படுத்தியுள்ளார் மகிந்த ராஜபக்ஷ !

by **logu** Fri Aug 24, 2012 3:35 pm

இலங்கையில் வெள்ளைவான் என்றாலே தமிழ் மக்களிடம்
பீதி நிலவுவது வழக்கம். பலர் வெள்ளைவானில் கடத்திச் செல்லப்பட்டதோடு,
கொலையும் செய்யப்பட்டுள்ளனர்.என்பதை யாவரும் அறிவர். அகதிகளாக இருக்க இடம்
இன்றி இந்தியாவுக்குச் சென்று வாழும் ஈழத் தமிழர்கள் ஏராளம். இவர்களையும்
தற்போது மிரட்டி வருகிறது வெள்ளைவான் என்றால் நம்பமுடியுமா உங்களால்.
இந்தக் கலாச்சாரத்தை தமிழ் நாட்டிலும் அறிமுகப்படுத்தியுள்ளார் மகிந்த
ராஜபக்ஷ !

கடந்த 16ம் திகதி இரவு தமிழகத்தில், ஈழத்தமிழ்
அகதிகள் கூடுதலாக வாசிக்கும் வளசரவாக்கம் பகுதிக்கு வானில் வந்த மூவரால் 2
ஈழத்தமிழர்கள் கடத்திச்செல்லப்பட்டுள்ளனர்.
வளசரவாக்கம் பகுதியில் ரஜனி- காண்டீபன் என்று அழைக்கப்படும் காண்டி
ஆகியோர் பலகாலமாக இயங்கிவருகின்றனர். இவ்விருவரோடு சிலர் கூட்டுச்
சேர்ந்தது போதாது என்று தமிழக காவல்துறையும் இணைந்து செயல்படுவதே பெரும்
சர்ச்சையைத் தோற்றுவித்துள்ளது. வெளிநாடுகளில் இருந்துவந்து, சென்னையில்
தங்கியிருக்கும் பெண்களைக் குறிவைப்பது. அவர்களோடு வந்திருக்கும் குடும்ப
அங்கத்தவர்களை மிரட்டி பணம் பறிப்பது. கட்டபஞ்சாயத்து. தொழில்செய்வதில்
போட்டி இருந்தால் எதிர் தரப்பினரிடம் பணம்வாங்கிக்கொண்டு மிரட்டுவது என
இவர்களின் ஆடாவடி நாளுக்கு நாள் நீண்டுகொண்டே போகிறது. எதற்கு வம்பு நாமே
அகதிகள் பொலிசாரிடம் சொல்லப்போய் அதுவே எமக்கு பிரச்சனையாகக் கூடாது என்று
நினைத்து ஈழத் தமிழர்கள் ஒதுங்குவதே இவர்களுக்கு பலம் சேர்க்கும் விடையமாக
மாறிவிட்டது எனலாம்.

வெளிநாடுகளில் இருந்து , ஈழத் தமிழர்கள்
வந்து வளசரவாக்கத்தில் தமது உறவினர்களுடன் தங்கினால், இரவு நேரத்தில்
பொலிசாரின் உதவியுடன் சென்று வீட்டில் தாகாத தொழில் நடக்கிறதா என்றுகேட்டு
மிரட்டி பணம் பறிப்பது காண்டி மற்றும் ரஜனியின் தொழிலாகும். இதேபோல கடந்த
16ம் திகதி காண்டி மற்றும் ரஜனி ஆகியோர், 2 பேரைக் கடத்தியுள்ளனர். அதிலும்
வெள்ளைவானைப் பாவித்து. கடத்தப்பட்ட ஒரு நபர் மிகக் கடுமையாகத்
தாக்கப்பட்டுள்ளார். இதன் பின்னணி என்ன என்பது இதுவரை
கண்டுபிடிக்கப்படவில்லை. இருப்பினும் 17ம் திகதி மதியம் அளவில்,
வளசரவாக்கத்தில் உள்ள 200 க்கும் மேற்பட்ட தமிழர்கள் கொதித்தெழுந்து,
பொலிசாரிடம் முறையிட்டனர். இதனைத் தொடர்ந்து பொலிசார் ரஜனியையும்
காண்டியையும் தேடிவந்த நிலையில், காண்டி மாட்டிக்கொண்டார்.

புலிகள் அமைப்பில் இருந்த முன்நாள் போராளைகளை மிரட்டுவது, இலங்கை
அரசாங்கத்துக்கு தமிழகத்தில் உள்ளவர்கள் பற்றி தகவல்கொடுப்பது,
வெளிநாட்டில் இருந்து சென்னை வரும் ஈழத் தமிழர்கள் விபரங்களைத் திரட்டுவது
என இவர்கள் அறிவிக்கப்படாத ஒரு உள்ளூராட்சி மன்றம் ஒன்றை
நடத்திவருகின்றார்கள். சிங்கள அரசின் கைக்கூலிகளான இவர்களுக்கு, தமிழக
காவல்துறையின் ஆதரவு எவ்வாறு கிடைக்கிறது என்பதே விடைகாணப்படாத விடையமாக
உள்ளது. தமிழக காவல்துறை நடவடிக்கை எடுக்குமா ?