வருமான வரித்துறை அதிகாரிகள் போல் நடித்து மோசடி:14 பேர் கொண்ட கும்பல் கைது;

by **Tamil** Sun Feb 28, 2010 7:13 pm

சென்னை:வருமான
வரித்துறை அதிகாரிகளைப் போல நடித்து, நகைக் கடை அதிபரிடம் கொள்ளையடிக்க
முயன்ற மேற்குவங்கம் மற்றும் தமிழகத்தைச் சேர்ந்த 14 பேர் கொண்ட கும்பலை
போலீசார் கைது செய்தனர். இதன்மூலம், பல கோடி ரூபாய் மதிப்பிலான தங்க
நகைகள் கொள்ளை போவது தவிர்க்கப்பட்டது.சென்னை பூங்காநகர் பொன்னப்பன்
லேனைச் சேர்ந்தவர் பிருந்தாவன் சவுத்ரி. இவர் கடந்த ஒன்பது ஆண்டுகளாக தனது
வீட்டின் மேல் மாடியில், நகைக் கடை பட்டறை வைத்து நடத்தி வருகிறார்.

சென்னையில்
உள்ள பல முக்கிய நகைக் கடைகளுக்கு, தங்க நகைகளை செய்து அனுப்பி
வருகிறார்.சவுத்ரியின் மொபைல் எண்ணிற்கு நேற்று முன்தினம் மாலை 5 மணிக்கு
ஒரு அழைப்பு வந்தது. மறுமுனையில் பேசிய நபர், தனது பெயர் சாகிப் சமன்தோ
என்றும், வருமான வரித்துறை அதிகாரி என்றும் கூறினார்.அந்நபர்
சவுத்ரியிடம், "உங்கள் கடையில் உள்ள 20 கிலோ தங்கத்தில், ஒரு கிலோவிற்கு
மட்டுமே வருமான வரி கணக்கில் காட்டப்பட்டுள்ளது. மீதமுள்ள 19 கிலோ
தங்கத்திற்கு வருமான வரித் துறை கணக்கு காட்டப்படவில்லை'
என்றார்.திருவல்லிக்கேணி பெர்பக்ட் லாட்ஜில் ஒரு வருமான வரித்துறை
சோதனையில் இருப்பதாகக் கூறிய சாகிப் சமன்தோ, சவுத்ரியை லாட்ஜிற்கு வருமாறு
கூறினார். பயந்துபோன சவுத்ரி தனது நண்பர் கோபு ஆன்டனியுடன் பெர்பக்ட்
லாட்ஜிற்கு சென்றார். லாட்ஜில் அறை எண் 210க்கு சென்றபோது, அறையில் 14
பேர் "டிப்-டாப்' உடையில் இருந்தனர்.

அவர்கள்
சவுத்ரியிடம், "அவசரமாக வேறொரு வருமான வரித்துறை ரெய் டுக்கு செல்கிறோம்.
நீங்கள் வருமான வரித்துறைக்கு 20 லட்சம் ரூபாய் வரியாக செலுத்த வேண்டும்.
தற்போது 10 லட்சம் ரூபாய் கொடுத்தால், நாங்கள் கணக்கை சரி செய்து
கொள்கிறோம்' என்றனர். சவுத்ரி வைத்திருந்த 10 ஆயிரம் ரூபாயையும்
பிடுங்கிக் கொண்டனர்."பத்து லட்சம் ரூபாயை இரவு 10 மணிக்குள் கொண்டு வந்து
தர வேண்டும். பணத்தை கொடுக்காவிட்டால், கடையில் சோதனை நடத்தி 20 கிலோ
தங்கத்தை எடுத்துச் சென்று விடுவோம்' எனக் கூறினர். லாட்ஜிலிருந்து வெளியே
வந்த சவுத்ரி, வாசலில் காத்திருந்த தனது நண்பர் கோபு ஆன்டனியிடம்
விஷயத்தைக் கூறினார்.அப்போது கோபு ஆன்டனி, வருமான வரித்துறை அதிகாரிகள்
எனக் கூறி தன்னை ஏற்கனவே ஒரு கும்பல் ஏமாற்றியிருக்கும் விஷயத்தை
கூறினார். இதனால், லாட்ஜில் இருப்பவர்கள் உண்மையிலேயே வருமான வரித்துறை
அதிகாரிகள் தானா என பிருந்தாவன் சவுத்ரிக்கு சந்தேகம் எழுந்தது.
இதையடுத்து, திருவல்லிக்கேணி போலீசில் சவுத்ரி புகார் செய்தார்.

இதையடுத்து
சம்பந்தப்பட்ட லாட் ஜிற்கு சென்ற போலீசார், அங்கு இருந்த கோல்கட்டா
ஹுப்ளியைச் சேர்ந்த சாகிப் சமன்தோ(24) சஞ்சித் சவுத்ரி(22) போர்த்திநாத்
தூலே(34) அசோக் குராய்(26) அபிஜித் சால்மோஸ்(22) மனோஜ் சமந்தோ(26) மாண்டு
மன்னா(35) சென்னை பழைய வண்ணாரப்பேட்டையைச் சேர்ந்த முகமது எக்லாக்
ஆலம்(36) அஸ் லாம்(30) முபாரக்(34) பைசூல்(37) சபீர் (42) சையத்
அன்வர்(25) மற்றும் சென்னை கொருக்குப் பேட்டையைச் சேர்ந்த நாசர் அலி(45)
ஆகிய 14 பேரையும் பிடித்து விசாரித்தனர்.

விசாரணையில்
14 பேரும் வருமான வரித்துறை அதிகாரிகள் இல்லை என தெரியவந்ததால் அவர்களை
திருவல்லிக் கேணி போலீசார் கைது செய்தனர். கைது செய்யப்பட்ட
நபர்களிடமிருந்து, மேற்குவங்கத்தில் பதிவு செய்யப்பட்ட ஒரு கார் பறிமுதல்
செய்யப்பட்டது. "டி.என்., 07 ஜி., 4142' என்ற பதிவு எண்ணுடன் போலி நம்பர்
பிளேட்டும் பறிமுதல் செய்யப்பட் டது. இவர்களிடமிருந்து வருமான வரித்
துறையினர் பயன்படுத்தும் போலி ரப்பர் ஸ்டாம்ப், பான் கார்டு ஆகியவையும்
பறிமுதல் செய்யப்பட்டன.

இந்த
14 பேரும், வருமான வரித்துறை அதிகாரிகள் எனக் கூறி பலரிடம் மோசடி
செய்திருக்கலாம் என்ற சந்தேகம் போலீசாருக்கு எழுந்துள்ளது. இவர் கள்
வருமான வரித்துறையினரால் வழங்கப்படும் பான்கார்டையே, தாங்கள் வருமான
வரித்துறையில் பணிபுரிவதற்கான அடையாள அட்டையாக காண்பித்துள்ளனர்.
சவுத்ரியிடமிருந்து இக்கும்பல் பறித்த 10 ஆயிரம் ரூபாய் பணமும் பறிமுதல்
செய்யப்பட்டது.இந்த மோசடி கும்பல் கைது செய்யப் பட்டதால், பிருந்தாவன்
சவுத்ரியின் கடையில் இருந்த 20 கிலோ தங்கம் தப்பியது. போலீசார் சிறிது
தாமதித்திருந்தாலும், இக்கும்பல் சவுத்ரியின் கடையில் ரெய்டு நடத்துவதாகக்
கூறி நகைகளை பறித்துச் சென்றிருக்கும். இக்கும்பல் பயன் படுத்திய கார்,
மேற்குவங்கத்திலிருந்து வாடகைக்கு எடுத்து வரப்பட்டுள்ளது.

சென்னையில்
நிருபர்களுக்கு நேற்று பேட்டியளித்த போலீஸ் கூடுதல் கமிஷனர் ஷகீல் அக்தர்,
இணை கமிஷனர் ரவிகுமார் ஆகியோர் கூறியதாவது:வருமான வரித்துறை அதிகாரிகள்
எனக் கூறி மோசடி செய்த 14 பேர் கும்பல் இதற்கு முன் வேறு இடங்களில்
மோசடியில் ஈடுபட்டிருக்கிறதா என்ற விவரம் விசாரணைக்கு பின்
தெரியவரும்.போலி போலீஸ் அதிகாரி சாருலதாவிடம் நடந்த விசாரணையில், அவர்
கொடுத்துள்ள தகவல்களை சரிபார்க்க வேண்டும். மேலும் அத்தகவல்களை
நிரூபிப்பதற்கான ஆவணங்களையும் சேகரிக்க வேண்டும். இவ்வழக்கில் விரைவில்
நல்ல முடிவு கிடைக்கும். வரும் காலங்களில் இவ்வழக்கில் மேலும் பலர்
குற்றவாளிகளாக சேர்க்கப்படுவர்.வெளியூர் சென்றுள்ள சென்னை போலீஸ் கமிஷனர்
ராஜேந்திரன் பணிக்கு திரும்பிய பின், துப்பாக்கி மற்றும் வெளிமாநில
லாட்டரி கடத்தியதாக கோபி கைது செய்யப்பட்ட வழக்கை சி.பி.சி. ஐ.டி., அல்லது
வேறு புலனாய்வு அமைப் புகளுக்கு மாற்றுவது குறித்து பேசி
முடிவெடுக்கப்படும்.இவ்வாறு அவர்கள் கூறினர்.

by **Rikaz** Sun Feb 28, 2010 9:29 pm

போலீஸ் காரர்கள் இப்போ உஷார்! பலே! பலே!

வருமான வரித்துறை அதிகாரிகள் போல் நடித்து மோசடி:14 பேர் கொண்ட கும்பல் கைது;

வருமான வரித்துறை அதிகாரிகள் போல் நடித்து மோசடி:14 பேர் கொண்ட கும்பல் கைது;

Re: வருமான வரித்துறை அதிகாரிகள் போல் நடித்து மோசடி:14 பேர் கொண்ட கும்பல் கைது;