சென்னை- புறநகரில் போலீஸ் உதவி கமிஷனர்கள் 13 பேர் அதிரடி மாற்றம்; 25 டி.எஸ்.பி.க்களும் மாற்றப்பட்டனர்

by **mmani** Sun Aug 07, 2011 8:30 pm

சென்னை, ஆக. 7-

சென்னை மற்றும் சென்னை புறநகரில் போலீஸ் உதவி கமிஷனர்கள் 13 பேர் மாற்றம் செய்யப்பட்டுள்ளனர். அதன் விவரம் வருமாறு:-

அண்ணா
நகர் உதவி கமிஷனராக இருந்த ராமன் அசோக் நகருக்கு மாற்றப்பட்டுள்ளார்.
அசோக் நகர் உதவி கமிஷனர் குருசாமி தென்சென்னை போக்குவரத்து உதவி கமிஷனராக
மாற்றப்பட்டுள்ளார். தென்சென்னை போக்குவரத்து உதவி கமிஷனராக இருந்த
பீர்முகமது ராயபுரம் உதவி கமிஷனராகவும், ராயபுரம் உதவிகமிஷனர் தங்கரத்தினம்
பாதுகாப்பு பிரிவு உதவி கமிஷனராகவும், நெல்லை மாநகர குற்ற ஆவணகாப்பக உதவி
கமிஷனர் ஆறுமுகம் சென்னை பயிற்சி மற்றும் நவீன மாக்கல் உதவி கமிஷனராகவும்
மாற்றப்பட்டுள்ளனர்.

சென்னை புறநகர் நுண்ணறிவு
பிரிவு உதவி கமிஷனர் மாணிக்கம்வேல் சேலம் (மேற்கு) குற்றப்பிரிவு உதவி
கமிஷனராக மாற்றப்பட்டுள்ளார். அம்பத்தூர் உதவி கமிஷனர் குமரவேல் கரூர்
குற்ற ஆவணகாப்பக டி.எஸ்.பி. யாகவும், எண்ணூர் உதவி கமிஷனர் நவநீதகிருஷ்ணன்
தஞ்சை மதுவிலக்கு டி.எஸ்.பி. யாகவும் மாற்றப்பட்டுள்ளனர்.

பட்டாபிராம்
உதவி கமிஷனர் சிவராஜ் சேலம் குற்ற ஆவண காப்பக டி.எஸ்.பி.யாகவும்,
பரங்கிமலை உதவி கமிஷனர் மனோகர சுந்தரதாஸ் திருவள்ளூர் குற்ற ஆவண காப்பக
டி.எஸ்.பி.யாகவும் மாற்றப்பட்டுள்ளனர். மதுரவாயல் உதவி கமிஷனர் ஜெயராஜ்
விழுப்புரம் டி.எஸ்.பி.யாகவும், சேலையூர் உதவி கமிஷனர் முகமது
கவுஸ்கான்கோரி வேலூர் டி.எஸ்.பி.யாகவும், புறநகர் மத்திய குற்றப்பிரிவு
நிலமோசடி உதவி கமிஷனர் ராஜேந்திரன் மணியாச்சி டி.எஸ்.பி.யாகவும்
மாற்றப்பட்டுள்ளனர்.

போலீஸ் பயிற்சி கல்லூரி
டி.எஸ்.பி.யாக இருந்த அய்யப்பன் மதுரவாயல் உதவி கமிஷனராகவும், குளச்சல்
டி.எஸ்.பி. ரவிசங்கர் பரங்கிமலை உதவி கமிஷனராகவும் மாற்றப்பட்டுள்ளனர்.
தமிழ்நாடு முழுவதும் 25 டி.எஸ்.பி.க்கள் இடமாற்றம் செய்யப்பட்டுள்ளனர்.

இதற்கான உத்தரவை டி.ஜி.பி. ராமானுஜம் பிறப்பித்து உள்ளார்.