சாய்பாபா உடல்நிலை கவலைக்கிடம்: புட்டபர்த்தியில் 144 அமல்

by **mmani** Fri Apr 22, 2011 7:29 am

Last Updated :

சாய்பாபா உடல்நிலை கவலைக்கிடம்: புட்டபர்த்தியில் 144 அமல் Sbhaba

புட்டபர்த்தி, ஏப். 21: ஸ்ரீ சத்யசாய் பாபாவின் உடல் நிலை கவலைக்கிடமாக உள்ளது.
அவரைக் காப்பாற்ற தங்களால் முடிந்த அளவு கடைசி கட்ட முயற்சிகளை மேற்கொண்டு வருவதாக
சிகிச்சையளித்து வரும் டாக்டர்கள் வியாழக்கிழமை தெரிவித்தனர்.
÷இதனால் உலகம் முழுவதிலும் உள்ள சாய்பாபாவின் பக்தர்கள் பெரும் சோகத்தில்
ஆழ்ந்துள்ளனர்.
÷எனினும் பாபாவின் உடல்நிலை குறித்து வெளியாகும் வதந்திகளை நம்ப வேண்டாமென்று
புட்டபர்த்தியில் உள்ள அவரது பக்தர்கள் பேரவை, பொதுமக்களுக்கு வேண்டுகோள்
விடுத்துள்ளனர்.
÷இந்நிலையில் புட்டபர்த்தி நகரில் வியாழக்கிழமை முதல் 144 தடை உத்தரவு
பிறப்பிக்கப்பட்டுள்ளது. நகரில் உள்ள கடைகள் அனைத்தும் மூடப்பட்டுள்ளன.
தொடர்ந்து சிகிச்சை அளிக்கப்பட்டு வந்தாலும், கல்லீரல், சிறுநீரகம் உள்ளிட்ட
உறுப்புகளின் செயல்பாடுகளில் எவ்வித முன்னேற்றமும் இல்லை. அவருக்கு தொடர்ந்து
செயற்கை சுவாசமே அளிக்கப்படுகிறது. இதயத்தின் செயல்பாட்டிலும் சிக்கல் ஏற்பட்டுள்ளது.
ரத்த அழுத்தமும் தொடர்ந்து குறைந்து வருவது டாக்டர்களை கவலையடையச் செய்துள்ளது.
உள்நாட்டு, வெளிநாட்டு மருத்துவ நிபுணர்கள் அவரது உடல் நிலையை தொடர்ந்து கண்காணித்து
வருகின்றனர்.
÷பாபா குணமடைய வேண்டுமென்ற பக்தர்களின் பிரார்த்தனையும் ஒருபுறம் தொடர்ந்து
நடைபெற்று வருகிறது.
முதல்வர் அவசர ஆலோசனை: பாபாவின் உடல்நிலை கவலைக்கிடமாக உள்ளதால் புட்டபர்த்தி
நகரமே சோகக் கடலில் ஆழ்ந்துள்ளது. பாபாவின் உடல்நிலை குறித்த தகவல்களால்
புட்டபர்த்தி நகர் அமைந்துள்ள அனந்தபூர் மாவட்டம் மற்றும் ஆந்திரம் முழுவதுமே
பதற்றம் ஏற்பட்டுள்ளது.
÷இது தொடர்பாக அமைச்சர்கள், உயரதிகாரிகளுடன் ஆந்திர முதல்வர் கிரண் குமார்
ரெட்டி வியாழக்கிழமை அவசர ஆலோசனை நடத்தினார். மாநில போலீஸ் டிஜிபி அரவிந்த் ராவ்
உள்பட அதிகாரிகள் பலரும் இந்தக் கூட்டத்தில் கலந்து கொண்டனர்.
÷புட்டபர்த்தி நகர் முழுவதுமே பாதுகாப்பு பலப்படுத்தப்பட்டுள்ளது. பாபாவின்
பக்தர்கள் ஏராளமானோர் ஏற்கெனவே நகரில் வந்து குவிந்துள்ளனர். தொடர்ந்து பலர் அங்கு
வருவார்கள் என்றும் எதிர்பார்க்கப்படுகிறது. தடை உத்தரவு பிறப்பிக்கப்பட்டுள்ள
அந்நகரில் 2000-க்கும் மேற்பட்ட காவல்துறை அதிகாரிகளும், ஏராளமான போலீஸôரும்
குவிக்கப்பட்டுள்ளனர்.
÷பாபா அனுமதிக்கப்பட்டுள்ள சத்ய சாய் மருத்துவ அறிவியல் கழக மருத்துவமனையில்
பாதுகாப்பு பல மடங்கு அதிகரிக்கப்பட்டுள்ளது.
÷ஆந்திர மாநில வருவாய்த் துறை அமைச்சர் ரகுவீர ரெட்டி, புட்டபர்த்தியில்
முகாமிட்டு, பாபாவுக்கு அளிக்கப்பட்டு வரும் சிகிச்சை குறித்து டாக்டர்களுடன் ஆலோசனை
நடத்தி வருகிறார்.
÷அவர் செய்தியாளர்களிடம் பேசுகையில், "பாபாவின் உடல் நிலை மோசமாக இருப்பது
உண்மைதான். அனைத்து உடல் உறுப்புகளின் இயக்கமும் குறைந்துள்ளது. அவரைக் காப்பாற்ற
டாக்டர்கள் தங்களால் முடிந்த அளவுக்கு முயற்சி எடுத்து வருகின்றனர். அவருக்கு 86
வயதாகிவிட்டதால் எது நடந்தாலும் நாம் ஏற்றுக் கொள்ளத்தான் வேண்டும்' என்றார்.