ஈழத் தமிழர்களுக்காகக் குரல்கொடுத்த இன்னர்சிட்டி செய்தியாளர் மத்தியூ லீயை ஐ.நா வெளியேற்றியது!

by **Tamil** Fri Feb 26, 2016 9:09 pm

இலங்கையில் நடத்தப்பட்ட இனப்படுகொலையில் அமெரிக்காவிற்கும் ஐக்கிய நாடுகள் நிறுவனத்திற்கும் தொடர்பிருப்பதை ஆபத்தான சூழல் நிலைகளைக் கடந்து மக்களுக்கு உண்மையைக் கூறியவர்களில் மிகவும் முக்கியமானவர் Matthew Russell Lee- மாத்தியூ ரஸ்ஸல் லீ
இன்று தன்னல தலைமைகளாக போன தமிழ்த் தலைமைகளுக்கும் தமிழ் ஊடகவியலாளர்களுக்கும் மத்தியில் நேர்மையாக உண்மையைக் கூறியவர்களுள் மாத்தியூ ரஸ்ஸல் லீ -Matthew Russell Lee- என்பவர் முக்கியமானவர்
ஐக்கிய நாடுகள் சபையின் செயலாளர் பான்கீமூனின் தலைமை நிர்வாக அதிகாரியாகச் செயற்பட்ட விஜய நம்பியார் நடத்திய சரணடைவு நாடகத்தை உலகிற்கு வெளிப்படுத்தியவர் Matthew Russell Lee. ஐக்கிய நாடுகள் சபை இலங்கையில் நடத்திய போர்க்குற்ற விசாரணை என்ற ஏமாற்று வித்தையை உலகத்தின் பார்வைக்குக் கொண்டுவந்தார். அதற்காக பல ஆபத்துக்களைச் சந்தித்தார். சேனல் 4 ஊடகம் வெளிப்படுத்திய தகவல்களிலும் அதிகமாக ஊடகங்களுக்கு வழங்கினார்.
ஐக்கிய நாடுகள் சபையின் உள்ளேயே அவர் கேள்விகளால் வேள்வி செய்தார். பான்கீ மூன் உட்பட அனைவரும் மாத்தியூ லீ ஐக் கண்டு அஞ்சினர்
இன்னர் சிட்டி பிரஸ்[inter city press] என்ற இணைய ஊடகத்தை நடத்திவந்த மாத்தியூ லீ, ஐ.நா வின் உள்ளே அநீதிகளுக்கு எதிராக நெருப்பாக எரிந்தவர். இன்றைக்கு வன்னிப் படுகொலைகளை இனப்படுகொலை என்று ஆதாரபூர்வமாகப் பேச முடியுமானால் அதற்கு முக்கிய பங்காற்றியவர்களில் மாத்தியூ லீ ஒருவர்.
புலம்பெயர் அமைப்புக்கள் சிலர் கூறுவதைப் போன்று சேனல் 4 இன் காணொளி ஐ.நாவின் உள்ளே உத்தியோகபூர்வமாகக் காண்பிக்கப்படவில்லை
ஆனால் இலங்கை அரசு அதற்கு எதிராக வெளியிட்ட காணொளி நியூயோர்க்கில் அமைந்துள்ள ஐ.நா வளாகத்தின் உள்ளே உத்தியோக பூர்வமாகக் காண்பிக்கப்பட்டது.
போர்க்குற்றவாளியும் இனப்படுகொலையை இராணுவரீதியாகத் தலைமை தாங்கி படுகொலைகளை நேரடியாக நடத்தியவர்களில் ஒருவருமான சவேந்திர சில்வாவிற்கு இலங்கையின் நிரந்தர பிரதிநிதிப் பதவியை ஐநா அனுமதித்துக் கௌரவித்த போது ஐ,நாவின் இதயத்தில் மிதித்துக் கேள்விகேட்டவர் மாத்தியூ லீ.
சவேந்திர சில்வாவும், இலங்கையின் நிரந்தர பிரதிநிதியுமான பாலித கோகொணவும் ஐ.நாவின் முக்கிய ஊடக அதிகாரியான ஜியம்போலோ பியோலி என்பவருடன் இணைந்தே இலங்கை அரசின் போலிக் காணொளியை ஐ.நா முழுவதும் பரவவிட்டனர். பியோலி ஐக்கிய நாடுகள் தொடர்ப்புக் குழுவின் தலைவராகப் பதவி வகிக்கிறார்.
ஈழத் தமிழர்களுக்காகக் குரல்கொடுத்த இன்னர்சிட்டி செய்தியாளர் மத்தியூ லீயை ஐ.நா வெளியேற்றியது! Ghgh

ஈழத் தமிழர்களுக்காகக் குரல்கொடுத்த இன்னர்சிட்டி செய்தியாளர் மத்தியூ லீயை ஐ.நா வெளியேற்றியது! Ghgh

வெள்ளைக் கொடியுடன் சரண்டையவந்த புலிகள் இயக்கத்தின் தலைமை உறுப்பினர்களைக் கொலைசெய்வதற்குப் பிரதான காரணமானவர்களில் பாலித கோகண்ண என்ற பாதகனும் ஒருவர் என்பது ஆதரபூர்வமாக நிறுவப்பட்டது.
பாலித கோகண்ணவிற்கும் பியோலிக்கும் இடையேயான தனிப்பட்ட கொடுக்கல் வாங்கல்களை மாத்தியூ லீ வெளிக்கொண்டுவந்தார்
ஐ.நா வின் தலைமை வரைக்கும் சென்று கேள்வியெழுப்பினார்
.ஐ.நாவின் உயர்மட்ட அனுமதியுடன் நடைபெற்ற இவ்வாறான பல ஊழல்களை மாத்தியூ லீ ஆவணப்படுத்தினார்.
பத்து வருடங்களுக்கு மேலாக ஐ.நா வில் மாத்தியூ லீ விற்கு அலுவலகம் வழங்கப்பட்டிருந்தது. உள்ளகத் தகவல்களைச் சேகரிப்பதற்கான அடையாள அட்டையும் வழங்கப்பட்டிருந்தது.
மாத்தியூவின் உண்மைகளுக்கு அஞ்சிய பியோலி அவரை சித்த சுவாதீனமுற்றவர் என வெளிப்படையாகக் கூறிவந்தார்
.கடந்த வெள்ளியன்று (19.02.2016) ஐ.நா விலுள்ள அவரது அலுவலகம் பாதுகாப்பு உத்தியோகத்தர்களால் முற்றுகையிடப்பட்டு அவரது ஆவணங்கள் அனைத்தும் கையகப்படுத்தப்பட்டுள்ளது.

மாத்தியூவின் அடையாள அட்டையைப் பறிமுதல் செய்த பாதுகாப்பு அதிகாரிகள் அவரை அங்கிருந்து பலவந்தமாக வெளியேற்றியுள்ளனர்.
இன்னர் சிட்டி பிரசின் செய்திகளைக் பிரதி செய்து தமது வியாபார நோக்கங்களுக்காகப் பயன்படுத்திக்கொள்ளும் முதுகெலும்பற்ற தமிழ் ஊடகங்கள் மாத்தியூ லீ விற்கு ஐ.நா தனது வளாகத்திற்கு உள்ளேயே நடத்திய மனித உரிமை மீறலை செய்தியாகக் கூட வெளியிடவில்லை.
மாத்தியூ லீ போன்று எமக்காகக் குரல்கொடுக்கும் நேர்மையான மனிதர்கள் தமிழ் ஊடகங்களின் இந்த அவமானகரமான செயலைப் பார்த்துக்கொண்டிருக்கிறார்கள். இந்த நிலையில் மாத்தியூவை மீண்டும் ஐ.நாவினுள் அனுமதிக்கக் கோரி இதுவரை எந்தப் போராட்டமும் நடைபெற வில்லை இனியாவது நடக்கட்டும்