விழுப்புரம் கல்லூரி மாணவிகள் நீரில் மூழ்கி சாகவில்லை -பிரேத பரிசோதனை அறிக்கை

by Tamil Tue Feb 09, 2016 6:47 am

விழுப்புரம் கல்லூரி மாணவிகள் நீரில் மூழ்கி சாகவில்லை -பிரேத பரிசோதனை அறிக்கை

சென்னை உயர்நீதிமன்றத்தில் சிபிசிஐடி தாக்கல் செய்த பிரேத பரிசோதனை அறிக்கையில் 3 மாணவிகளின் மரணம் நீரில் மூழ்கியதால் ஏற்படவில்லை என தெரிவிக்கப்பட்டுள்ளது.விழுப்புரம் தனியார் கல்லூரி மாணவிகள் மரணம் நீரில் மூழ்கியதால் ஏற்படவில்லை என பரிசோதனை அறிக்கையில் தெரிவிக்கப்பட்டுள்ளது.

3 மாணவிகளின் பிரேத பரிசோதனை அறிக்கை நகல்கள் மனுதாரர்கள் தரப்புக்கும் வழங்கப்பட்டுள்ளது. மறுபிரேத பரிசோதனை தேவையா என்பதை மனுதாரர்கள் நாளை நீதிமன்றத்தில் தெரிவிக்க வேண்டும் என நீதிபதிகள் தெரிவித்துள்ளனர்.
விழுப்புரம் கல்லூரி மாணவிகள் நீரில் மூழ்கி சாகவில்லை -பிரேத பரிசோதனை அறிக்கை Villupuram__large

விழுப்புரம் மாவட்டம், கள்ளக்குறிச்சி வட்டம், பங்காரம் கிராமத்தில் இயங்கி வரும் தனியார் யோகா மற்றும் இயற்கை மருத்துவக் கல்லூரியில் இரண்டாம் ஆண்டு பயின்று வந்த திருவாரூர் நகரைச் சேர்ந்த வெங்கடேசன் மகள் பிரியங்கா, காஞ்சிபுரம் மாவட்டம், செய்யூரைச் சேர்ந்த ஏழுமலை மகள் சரண்யா மற்றும் சென்னை, எர்ணாவூரைச் சேர்ந்த தமிழரசன் மகள் மோனிஷா ஆகிய மூன்று மாணவிகளின் சடலங்களும் கல்லூரியின் முன்புறமுள்ள ஒரு கிணற்றில் 23.1.2016 அன்று கண்டெடுக்கப்பட்டது.

Tamil: வலை நடத்துனர்; Posts : 11801
Join date : 02/01/2010