டுவிட்டரில் ஏ.ஆர். ரஹ்மானை பின்தொடர்பவர்களின் எண்ணிக்கை ஒரு கோடி

by **Tamil** Mon Feb 08, 2016 6:40 am

சமூக வலைத்தளமான டுவிட்டரில் இசையமைப்பாளர் ஏ.ஆர். ரஹ்மானை பின்தொடர்பவர்களின் எண்ணிக்கை ஒரு கோடியாக உயர்ந்துள்ளது.

ரோஜா படத்தில் இடம் பெற்ற ‘சின்ன சின்ன ஆசை’ பாடலின் மூலம் திரை இசையுலகில் பிரபலமடைந்து,

டுவிட்டரில் ஏ.ஆர். ரஹ்மானை பின்தொடர்பவர்களின் எண்ணிக்கை ஒரு கோடி

தென்னிந்திய மொழிகள், இந்தி என்ற எல்லையையும் கடந்து ‘ஹாலிவுட்’ வரை சிறகடித்துப் பறந்தவர், ஏ.ஆர். ரஹ்மான்.
‘ஸ்லம் டாக் மில்லியனைர்’ படத்தில் சிறந்த முறையில் பாடலுக்கான மெட்டமைத்ததற்கு ஒன்று, சிறப்பாக பின்னணி இசையமைத்ததற்காக மற்றொன்று என ஒரே மேடையில் 2 ஆஸ்கர் விருதுகளை பெற்று இந்தியாவின் புகழையும், பெருமையையும் சர்வதேச அரங்கில் மீண்டும் இவர் நிலைநாட்டினார்.
இதற்கு முன்னதாகவும், பிறகும் திரை இசைத்துறைக்கான நான்கு தேசிய விருதுகள் உள்பட பல்வேறு விருதுகளையும், பட்டங்களையும் வாங்கி குவித்துள்ள சென்னையை சேர்ந்த ஏ.ஆர். ரஹ்மானுக்கு ஸ்காட்லாந்தின் பாரம்பரியமிக்க இசைக் கல்வி மையமான ‘ராயல் கன்சர்வோடயர் ஆப் ஸ்காட்லாந்து’ கவுரவ டாக்டர் பட்டம் வழங்கியுள்ளது.
பிரபல இந்தி பின்னணிப் பாடகிகள் லதா மங்கேஷ்கர், ஆஷா போஸ்லே சகோதரிகளின் தம்பியான பண்டிட் ஹிருதயநாத் மங்கேஷ்கர் பெயரால் இசையுலகில் சாதனை புரிந்த நபர்களுக்கு ஆண்டுதோறும் வழங்கப்படும் விருதினை கடந்த ஆண்டு பெற்ற ஏ.ஆர். ரஹ்மான், அவ்வப்போது தனது டுவிட்டர் மற்றும் பேஸ்புக் பக்கங்களின் மூலம் ரசிகர்களோடு தொடர்புகொண்டு வருகிறார்.
வெளிநாடுகளில் நடத்தும் இசை நிகழ்ச்சிகள் மற்றும் இசையுலக பிரபலங்களுடனான தனது சந்திப்பு உள்ளிட்ட புகைப்படங்களை டுவிட்டர் மற்றும் பேஸ்புக் பக்கங்களில் பதிவிடும் ஏ.ஆர். ரஹ்மானை டுவிட்டரில் பின்தொடர்பவர்களின் எண்ணிக்கை தற்போது ஒரு கோடியை கடந்துள்ளது. இன்று மாலை 3 மணி நிலவரப்படி அவரை ஒரு கோடியே 82 ஆயிரம் அபிமானிகள் டுவிட்டரில் பின்தொடர்ந்து வருகின்றனர்.