வடக்கிற்கு கிடைக்கவேண்டியதைத் தடுப்பவர்கள் துரோகிகளே! முதலமைச்சர் சீற்றம்!

வடக்கிற்கு கிடைக்கவேண்டியதைத் தடுப்பவர்கள் துரோகிகளே! முதலமைச்சர் சீற்றம்!
வடக்கு மாகாணத்துக்குக் கிடைக்கவேண்டிய அதிகாரங்களையும் அபிவிருத்தி உதவிகளையும் யார் தடுக்கின்றனரோ அவர்கள் துரோகிகளே எனக்குற்றஞ் சாட்டியுள்ளார் வட மாகாண முதலமைச்சர் க.வி.விக்னேஸ்வரன்.
வன்னியின் முல்லைத்தீவு, துணுக்காய் பிரதேசத்துக்கு இன்
று பயணம் மேற்கொண்ட முதலமைச்சர் அடங்கிய குழுவினர், துணுக்காய் பிரதேச செயலகத்தில் கலந்துரையாடல் ஒன்றையும் நடத்தியிருந்தனர். அங்கு கருத்துத் தெரிவிக்கும்போதே முதலமைச்சர் துரோகிகளென வகைப்படுத்தி குற்றஞ்சாட்டினார்.
நான் துரோகி என்று சிலரைக் குறிப்பிட்டதாகத் தகவல்கள் வந்தன. இதுவரை நான் யாரையும் அப்படிக் குறிப்பிடவில்லை. ஆனால் இன்று இந்த இடத்தில் அதைக் குறிப்பிடுகின்றேன். அதற்கான காரணங்கள் நிறையவே உண்டு. குறிப்பாக வடக்கு மாகாணத்தை பல்வேறு துறைகளிலும் அபிவிருத்தி செய்யவேண்டியுள்ளது. இந்த அபிவிருத்திகளுக்கு எத்தனையோ பேர் உதவத் தயாராக இருக்கின்றனர். எம்முடன் தொடர்புகொள்கின்றனர்.
ஆனால் அத்தகைய உதவிகள் வந்து சேர்வதற்குப் பலர் தடையாக இருக்கின்றனர். குறிப்பாக வடக்குக்கு கிடைக்கும் உதவிகளைத் தமக்கும் பங்குபோட அவர்கள் எண்ணுகின்றனர். இதனால் தம்மூடாகவே அந்த உதவிகள் வந்து சேரவேண்டும் என்று கருதுகின்றனர். இதனால் எமக்கு நேரடியாகக் கிடைக்கும் உதவிகளைத் தடுத்து நிறுத்துகின்றனர். இவ்வாறான செயற்பாடுகளில் ஈடுபடுபவர்களே துரோகிகளே.
யாழ்ப்பாணத்திற்கான பயணமொன்றை மேற்கொண்டிருந்த இலங்கை அமைச்சர் விமல்வீரவன்ச தமிழ் அமைச்சரான டக்ளஸ் சகிதம் முதலமைச்சர் தம்மை துரோகியென குற்றஞ்சாட்டுவதாக தெரிவித்திருந்தமை குறிப்பிடத்தக்கது.