தமிழக ஊடகவியலாளர் மகா தமிழ் பிரபாகரன் சிங்கள இராணுவத்தால் கைது!

by **mmani** Thu Dec 26, 2013 6:13 am

தமிழ் தேசிய கூட்டமைப்பின் நாடாளுமன்ற உறுப்பினர் சி.சிறீதரன் மற்றும் மாகாணசபை உறுப்பினர் பசுபதிப்பிள்ளை ஆகியோர் கிளிநொச்சி- கிராஞ்சி கிராமத்தில் வைத்து இன்று காலை கைது செய்யப்பட்டு மாலை 5 மணியளவில் விடுதலை செய்யப்பட்டள்ளதாக தெரிவிக்கப்படுகின்றது.
தமிழக ஊடகவியலாளர் மகா தமிழ் பிரபாகரன் சிங்கள இராணுவத்தால் கைது! 1528651_627356214010929_1594209910_n

தமிழக ஊடகவியலாளர் மகா தமிழ் பிரபாகரன் சிங்கள இராணுவத்தால் கைது! 1528651_627356214010929_1594209910_n

குறித்த சம்பவம் தொடர்பாக மேலும் தெரியவருவதாவது,

இன்று காலை கிளிநொச்சி மாவட்டத்தின் மிக பின்தங்கியிருக்கும் வேரவில், கிராஞ்சி பகுதிக்கு நாடாளுமன்ற உறுப்பினர், மாகாணசபை உறுப்பினர், பிரதேசசபை உறுப்பினர்கள் மற்றும் தமிழக சுற்றுலா பயணி ஆகியோர் சென்றுள்ளனர்.
தமிழக ஊடகவியலாளர் மகா தமிழ் பிரபாகரன் சிங்கள இராணுவத்தால் கைது! 1528651_627356220677595_1790974911_n

தமிழக ஊடகவியலாளர் மகா தமிழ் பிரபாகரன் சிங்கள இராணுவத்தால் கைது! 1528651_627356220677595_1790974911_n

இந்நிலையில் மேற்படி கிராமங்களுக்குச் செல்லும் வீதியின் மோசமான நிலையினை மேற்படி சுற்றுலா பயணி புகைப்படம் எடுத்துள்ளார். இதனை படையினர் அவதானித்துள்ளனர்.

இதனையடுத்து, அவர்கள் ஒரு கிராமத்திற்குச் சென்று மக்களோடு உரையாடிக் கொண்டிருக்கையில் அங்குவந்த படையினர், நாடாளுமன்ற உறுப்பினர் உள்ளிட்ட முழு குழுவினரையும் கைது செய்து ஜெயபுரம் பொலிஸில் ஒப்படைத்திருந்துள்ளனர்.

மாலை 5 மணிவரையில் நாடாளுமன்ற உறுப்பினர் உள்ளிட்ட குழுவினரை விசாரணை செய்து பின்னர் விடுவித்துள்ளனர்.

எனினும் குறித்த சுற்றுலாப் பயணியை விடுதலை செய்யவில்லை. அவரிடம் தொடர்ந்தும் படையினரும், பொலிஸாரும் விசாரணைகளை நடத்திவருவதாக தெரிவிக்கப்படுகின்றது.
தமிழக ஊடகவியலாளர் மகா தமிழ் பிரபாகரன் சிங்கள இராணுவத்தால் கைது! 563629_627356294010921_905532234_n

தமிழக ஊடகவியலாளர் மகா தமிழ் பிரபாகரன் சிங்கள இராணுவத்தால் கைது! 563629_627356294010921_905532234_n

இரண்டாம் இணைப்பு

பூநகரி வலைப்பாட்டில் இராணுவம் வெறியாட்டம்! இந்தியப்பிரஜை கைது, சிறீதரன் எம்பி உள்ளிட்ட மூவர் 6 மணித்தியாலங்களாக தடுக்கப்பட்டு விடுவிப்பு

நாடாளுமன்ற உறுப்பினர் சி.சிறீதரன் மற்றும் மாகாணசபை உறுப்பினர் பசுபதிப்பிள்ளை உள்ளிட்ட கூட்டமைப்பின் உறுப்பினர்கள் முழங்காவில் பிரதேசத்தில் இருக்கின்ற பொன்னாவெளி,வேரவில்,வலைப்பாடு ஆகிய கிராமங்களில் வாழ்கின்ற மக்கள் எதிர்நோக்கும் பிரச்சினைகள் பற்றி ஆராய்வதற்கென சென்றவேளையிலே இச்சம்பவம் இடம்பெற்றுள்ளது.

இன்று காலை 11.00 மணியளவில் பொன்னாவெளி கிராம அலுவலர் பிரிவுக்குட்பட்ட பகுதியில் வாழ்கின்ற மக்களுடனான சந்திப்பு இடம்பெற்றது.

இச்சந்திப்பின்போது, அப்பகுதி மக்கள் தற்சமயம் தாம் எதிர்நோக்குகின்ற பொன்னாவெளிப் பிரதேசத்தின் மீதான ஒருவருடத்தையும் தாண்டி தொடரும் சந்தேகத்தை உண்டுபண்ணும் ஆய்வு, மக்களுக்கான போக்குவரத்துப் பாதைகள் சீர்படுத்தப்படாமை, மாணவர்களின் கற்றல் நடவடிக்கையில் ஏற்படும் இடர்கள் தொடர்பாக மக்களால் பல கோரிக்கைகள் முன்வைக்கப்பட்டன.

இதனைத்தொடர்ந்து வலைப்பாடு புனித அந்தோனியார் ஆலயத்துக்கு சென்று பங்குத்தந்தையுடன் கலந்துரையாடிக் கொண்டிருந்த சமயம் 50ற்கு மேற்பட்ட இராணுவத்தினரால் 1.30மணியளவில் சுற்றிவளைக்கப்பட்டு சுற்றுலாவுக்காக வருகை தந்திருந்த தமிழ்நாட்டைச் சேர்ந்த சுற்றுலாப் பயணி ஒருவர் உடனடியாக இராணுவத்தால் கைது செய்யப்பட்டு பாராளுமன்ற உறுப்பினர் சி.சிறீதரன் அவர்களினதும் வட மாகாணசபை உறுப்பினர் சு.பசுபதிப்பிள்ளை, கரைச்சிப்பிரதேசசபை உறுப்பினர் கௌரவ.சு.தயாபரன் ஆகியோரின் புகைப்படக் கருவிகள் இராணுவத்தால் காட்டுமிராண்டித்தனமாக பறிமுதல் செய்யப்பட்டன.

அதனைத்தொடர்ந்து இராணுவத்தின் கட்டளையின் பிரகாரம் ஜெயபுரம் பொலிஸ் நிலையத்துக்கு கொண்டு செல்லப்பட்டு 6 மணித்தியாலங்களுக்குப் பின்னரே உறுப்பினர்களின் புகைப்படகருவிகள் தீவிர சோதனைக்குள்ளாக்கப்பட்டு அவர்களிடம் வழங்கப்பட்டன.

எனினும் இந்தியப் பிரஜை விடுவிக்கப்படாது தொடர்ந்தும் விசாரணைக்குள்ளாக்கப்பட்டுளார். நாளை கிளிநொச்சி நீதிமன்றத்தில் ஆஜர்ப்படுத்தப்படவுள்ளார் என ஜெயபுரம் பொலிசார் தெரிவித்துள்ளனர்.