அறத்துப்பால் (இல்லறவியல் )பிற இல் விழையாமை

by **Tamil** Sun Jan 10, 2010 1:40 pm

குறள் : பிறன்பொருளாள் பெட்டொழுகும் பேதைமை ஞாலத்து
அறம்பொருள் கண்டார்கண் இல். (குறள் எண் : 141)

மு.வ : பிறனுடைய உரிமையாகிய மனைவியை விரும்பி நடக்கும் அறியாமை, உலகத்தில் அறமும் பொருளும் ஆராய்ந்து கண்டவரிடம் இல்லை.

கருணாநிதி : பிறன் மனைவியிடத்து விருப்பம் கொள்ளும் அறியாமை, உலகில் அறநூல்களையும் பொருள் நூல்களையும் ஆராய்ந்து உணர்ந்தவர்களிடம் இல்லை.

சாலமன் பாப்பையா : இவ்வுலகில் அறத்தையும், பொருளையும் கற்று அறிந்தவரிடம் அடுத்தவனின் உரிமை ஆகிய மனைவி மீது ஆசைப்பட்டு வாழும் அறியாமை இல்லை.

by **Tamil** Sun Jan 10, 2010 1:40 pm

குறள் : அறன்கடை நின்றாருள் எல்லாம் பிறன்கடை
நின்றாரின் பேதையார் இல். (குறள் எண் : 142)

மு.வ : அறத்தை விட்டுத் தீநெறியில் நின்றவர் எல்லாரிலும் பிறன் மனைவியை விரும்பி அவனுடைய வாயிலில் சென்று நின்றவரைப் போல் அறிவிலிகள் இல்லை.

கருணாநிதி : பிறன் மனைவியை அடைவதற்குத் துணிந்தவர்கள் அறவழியை விடுத்துத் தீயவழியில் செல்லும் கடைநிலை மனிதர்களைக் காட்டிலும் கீழானவர்கள்.

சாலமன் பாப்பையா : பாவ
வழியில் நடக்கும் மனிதருள் எல்லாம், அடுத்தவன் மனைவியை விரும்பி அவன்
வாசலில் நிற்கும் மூடனைப் போன்ற கடை நிலை மனிதர் வேறு இல்லை

by **Tamil** Sun Jan 10, 2010 1:41 pm

குறள் : விளிந்தாரின் வேறல்லர் மன்ற தெளிந்தாரில்
தீமை புரிந்து ஒழுகு வார். (குறள் எண் : 143)

மு.வ : ஐயமில்லாமல் தெளிந்து நம்பியவருடைய மனைவியிடத்தே விருப்பம் கொண்டு தீமையைச் செய்து நடப்பவர், செத்தவரை விட வேறுபட்டவர் அல்லர்.

கருணாநிதி : நம்பி பழகியவர் வீட்டில், அவரது மனைவியிடம் தகாத செயலில் ஈ.டுபட முனைகிறவன், உயிர் இருந்தும் பிணத்திற்கு ஒப்பானவனேயாவான்.

சாலமன் பாப்பையா : தன்னைச்
சந்தேகப்படாதவரின் வீட்டிற்குள் நுழைந்து, அடுத்தவரின் மனைவியுடன் தவறான
தொடர்பு கொண்டு வாழ்பவன், இறந்து போனவனே அன்றி உயிருடன் வாழ்பவன் அல்லன்

by **Tamil** Sun Jan 10, 2010 1:41 pm

குறள் : எனைத்துணையர் ஆயினும் என்னாம் தினைத்துணையும்
தேரான் பிறனில் புகல். (குறள் எண் : 144)

மு.வ : தினையளவும் ஆராய்ந்து பார்க்காமல் பிறனுடைய மனைவியிடம் செல்லுதல், எவ்வளவு பெருமையை உடையவராயினும் என்னவாக முடியும்?

கருணாநிதி : பிழை
புரிகிறோம் என்பதைத் தினையளவுகூடச் சிந்தித்துப் பாராமல், பிறன்
மனைவியிடம் விருப்பம் கொள்வது, எத்துணைப் பெருமையுடையவரையும்
மதிப்பிழக்கச் செய்துவிடும்.

சாலமன் பாப்பையா : அடுத்தவன் மனைவியை விரும்பித் தன் பிழையைச் சிறிதும் எணணாமல் அவ்வீட்டில் நுழைபவன் எத்தனைப் பெருமை உடையவனாய் இருந்துதான் என்ன?

by **Tamil** Sun Jan 10, 2010 1:41 pm

குறள் : எளிதென இல்லிறப்பான் எய்துமெஞ் ஞான்றும்
விளியாது நிற்கும் பழி. (குறள் எண் : 145)

மு.வ : இச்செயல் எளியது என எண்ணிப் பிறனுடைய மனைவியிடம் நெறி தவறிச் செல்கின்றவன், ‌எப்பபோதும் அழியாமல் நிலைநிற்கும் பழியை அடைவான்

கருணாநிதி : எளிதாக அடையலாம் என எண்ணிப் பிறனுடைய மனைவியிடம் முறைகேடாக நடப்பவன் என்றும் அழியாத பழிக்கு ஆளாவான்.

சாலமன் பாப்பையா : அடைவது எளிது என எண்ணி அடுத்தவன் மனைவியுடன் தவறான தொடர்பு கொள்பவன், சாவாமல் எப்போதும் நிற்கும் பழியைப் பெறுவான்.

by **Tamil** Sun Jan 10, 2010 1:41 pm

குறள் : பகைபாவம் அச்சம் பழியென நான்கும்
இகவாவாம் இல்லிறப்பான் கண். (குறள் எண் : 146)

மு.வ : பகை பாவம் அச்சம் பழி என்னும் இந்நான்கு குற்றங்களும் பிறன் மனைவியிடத்து நெறி தவறி நடப்பவனிடத்திலிருந்து நீங்காவாம்.

கருணாநிதி : பிறன் மனைவியிடம் முறைகேடாக நடக்க நினைப்பவனிடமிருந்து பகை, தீமை, அச்சம், பழி ஆகிய நான்கும் நீங்குவதில்லை

சாலமன் பாப்பையா : அடுத்தவன் மனைவியிடம் வரம்பு கடந்து செல்பவனை விட்டுப் பகை, பாவம், பயம், பழி என்ற நான்கும் விலகமாட்டா.

by **Tamil** Sun Jan 10, 2010 1:42 pm

குறள் : அறனியலான் இல்வாழ்வான் என்பான் பிறனியலாள்
பெண்மை நயவா தவன். (குறள் எண் : 147)

மு.வ : அறத்தின் இயல்போடு பொருந்தி இல்வாழ்க்கை வாழ்பவன், பிறனுக்கு உரிமையானவளின் பெண் தன்மையை விரும்பாதவனே

கருணாநிதி : பிறன் மனைவியிடம் பெண்மை இன்பத்தை நாடிச் செல்லாதவனே அறவழியில் இல்வாழ்க்கை மேற்கொண்டவன் எனப்படுவான்.

சாலமன் பாப்பையா : அடுத்தவனுக்கு உரிமையானவனின் பெண்மையை விரும்பாதவன் அறத்துடன் குடும்பம் நடத்துபவன் எனப்படுவான்

by **Tamil** Sun Jan 10, 2010 1:42 pm

குறள் : பிறன்மனை நோக்காத பேராண்மை சான்றோர்க்கு
அறனொன்றோ ஆன்ற வொழுக்கு. (குறள் எண் : 148)

மு.வ : பிறனுடைய மனைவியை விரும்பி நோக்காத ‌பெரிய ஆண்மை, சான்றோர்க்கு அறம் மட்டும் அன்று; நிறைந்த ஒழுக்கமுமாகும்.

கருணாநிதி : வெறொருவன் மனைவியைக் காம எண்ணத்துடன் நோக்காத பெருங்குணம் அறநெறி மட்டுமன்று; அது ஒழுக்கத்தின் சிகரமும் ஆகும்.

சாலமன் பாப்பையா : அடுத்தவன் மனைவியை மனத்துள் எண்ணாத பேராண்மை அறம் மட்டும் அன்ற; சான்றோர்க்கு நிறைவான ஒழுக்கமும் ஆகும்

by **Tamil** Sun Jan 10, 2010 1:42 pm

குறள் : நலக்குரியார் யாரெனின் நாமநீர் வைப்பின்
பிறர்க்குரியாள் தோள்தோயா தார். (குறள் எண் : 149)

மு.வ : கடல் சூழ்ந்த உலகத்தில் நன்மைக்கு உரியவர் யார் என்றொல் பிறனுக்கு உரிமையானவளின் தோளைப் பொருந்தாதவரே ஆவர்

கருணாநிதி : பிறன் மனைவியின் தோளைத் தீண்டாதவரே கடல் சூழ் இவ்வுலகின் பெருமைகளை அடைவதற்குத் தகுதியுடையவர்.

சாலமன் பாப்பையா : அச்சந்தரும்
கடலால் சூழப்பட்ட இவ்வுலகில் எல்லா நன்மைகளும் அடைவதற்கு உரியவர் எவர்
என்றால், அடுத்தவனுக்கு உரியவளின் தோளைச் சேராதவரே

by **Tamil** Sun Jan 10, 2010 1:42 pm

குறள் : அறன்வரையான் அல்ல செயினும் பிறன்வரையாள்
பெண்மை நயவாமை நன்று. (குறள் எண் : 150)

மு.வ : ஒருவன் அறநெறியில் நிற்காமல் அறமில்லாதவைகளைச் செய்தாலும், பிறனுக்கு உரியவளின் பெண்மையை விரும்பாமல் வாழ்தல் நல்லது

கருணாநிதி : பிறன் மனைவியை விரும்பிச் செயல்படுவது அறவழியில் நடக்காதவர் செயலைவிடத் தீமையானதாகும்

சாலமன் பாப்பையா : அறம் செய்யாமல் பாவத்தையே செய்பவனாக இருந்தாலும் அடுத்தவனின் உரிமை ஆகிய மனைவிமேல் ஆசைப்படாமல் இருப்பது நல்லது.

by mano Fri Mar 26, 2010 6:34 pm

hi today i read thirukural its realy so nice

by **sarabu12** Sun Jun 20, 2010 1:45 am

அறமற்ற செயல்கள் செய்யும் கயவர் தவறு செய்ய முற்ப்பட்டாலும் பிறன் மனைவியாகிய பெண் தன்னை காத்துக்கொ ள்வது மேன்மையானது ஆகும்

by Sponsored content

அறத்துப்பால் (இல்லறவியல் )பிற இல் விழையாமை

அறத்துப்பால் (இல்லறவியல் )பிற இல் விழையாமை

Re: அறத்துப்பால் (இல்லறவியல் )பிற இல் விழையாமை

Re: அறத்துப்பால் (இல்லறவியல் )பிற இல் விழையாமை

Re: அறத்துப்பால் (இல்லறவியல் )பிற இல் விழையாமை

Re: அறத்துப்பால் (இல்லறவியல் )பிற இல் விழையாமை

Re: அறத்துப்பால் (இல்லறவியல் )பிற இல் விழையாமை

Re: அறத்துப்பால் (இல்லறவியல் )பிற இல் விழையாமை

Re: அறத்துப்பால் (இல்லறவியல் )பிற இல் விழையாமை

Re: அறத்துப்பால் (இல்லறவியல் )பிற இல் விழையாமை

Re: அறத்துப்பால் (இல்லறவியல் )பிற இல் விழையாமை

Re: அறத்துப்பால் (இல்லறவியல் )பிற இல் விழையாமை

Re: அறத்துப்பால் (இல்லறவியல் )பிற இல் விழையாமை

Re: அறத்துப்பால் (இல்லறவியல் )பிற இல் விழையாமை