நிலக்கரி இறக்குமதி: ஜெயலலிதா குற்றச்சாட்டுக்கு கருணாநிதி மறுப்பு

சென்னை,
ஏப்.3: நிலக்கரி இறக்குமதி தொடர்பாக அ.தி.மு.க. பொதுச்செயலாளர்
ஜெயலலிதாவின் குற்றச்சாட்டுகளை முதல்வர் கருணாநிதி மறுத்துள்ளார்.இதுதொடர்பாக கருணாநிதி சனிக்கிழமை வெளியிட்ட அறிக்கை:தமிழ்நாடு
மின்சார வாரியம் கூடுதல் விலைக்கு நிலக்கரியை இறக்குமதி செய்வதன் மூலம்
ஆண்டுதோறும் ரூ.1,000 கோடி இழப்பு ஏற்படுவதாக ஜெயலலிதா குறிப்பிட்டுள்ளார்.÷2009-10
ஆம் ஆண்டில் தமிழ்நாடு மின்சார வாரியத்தால் இறக்குமதி செய்யப்பட்ட
நிலக்கரியின் மொத்த விலையே ரூ.1,000 கோடிதான். இதில் ஆயிரம் கோடி ரூபாய்
இழப்பு எவ்வாறு ஏற்படும்?÷தமிழ்நாடு மின்சார வாரியத்தால் இறக்குமதி
செய்யப்பட்ட நிலக்கரியின் சராசரி விலை ஒரு டன்னுக்கு 90 முதல் 95 அமெரிக்க
டாலர்கள் மட்டுமே. இந்த நிலையில், இறக்குமதி செய்யப்படும் நிலக்கரியின்
விலை ஒரு டன் 120 டாலர்கள் என்று ஜெயலலிதா கூறியுள்ளார்.தமிழக மின்
நிலையங்களில் மின் உற்பத்திக்கு மொத்தம் 15 மில்லியன் டன் நிலக்கரி
தேவைப்படுகிறது. இதில் 13 மில்லியன் டன் நிலக்கரி மட்டுமே மத்திய அரசுக்கு
உள்பட்ட நிலக்கரி நிறுவனத்தின் மூலம் அளிக்கப்படுகிறது. மீதமுள்ள 2
மில்லியன் டன் நிலக்கரியை மட்டுமே தமிழ்நாடு மின் வாரியம் இறக்குமதி
செய்துள்ளது.÷அதுவும் மத்திய அரசு நிறுவனத்தின் மூலமாகத்தான்
இறக்குமதி செய்யப்பட்டு வருகிறது. அதேபோல், ஸ்டார் எம்சன்ஸ் ரிசோர்ஸ் என்ற
நிறுவனத்தின் நிலக்கரி சுரங்கத்திலிருந்துதான் பெரும்பாலான நிலக்கரி
இறக்குமதி செய்யப்படுகிறது என்றும், இந்த நிறுவனம் தலைமைச் செயலகத்தை
கட்டுகிற நிறுவனத்துக்கு வேண்டிய நிறுவனம் என்றும் அவர் எழுதியுள்ளார்.இது
முற்றிலும் தவறான தகவல். ஸ்டார் எம்சன்ஸ் ரிசோர்ஸ் நிறுவனத்துக்கும்,
தமிழ்நாடு மின் வாரியத்துக்கும் எந்தத் தொடர்பும் இல்லை. மத்திய அரசின்
தாதுப் பொருள் மற்றும் கனிம வள வர்த்தக நிறுவனத்தின் மூலமாகவே நிலக்கரி
பெறப்பட்டு வருகிறது.தரமற்ற நிலக்கரியா?... இறக்குமதி செய்யப்படும்
நிலக்கரிக்கு 6,000 ஜி.சி.வி. வெப்பத் திறன் இருக்க வேண்டும் என்று மத்திய
மின்சார ஆணையம் நிர்ணயித்துள்ளது.தமிழ்நாடு மின் வாரியம் இறக்குமதி
செய்யும் நிலக்கரியின் வெப்பத் திறன் 6,000 ஜி.சி.வி. முதல் 6,300
ஜி.சி.வி. என்ற அளவில் உள்ளது. எனவே, இந்தத் தகவலும் நம்பகமானதல்ல.÷மின்
பற்றாக்குறைக்கு காரணம்... ஜெயலலிதா ஆட்சிக் காலத்தில், தமிழகத்தின் மின்
தேவையைப் பூர்த்தி செய்யும் நோக்கத்தோடு புதிய மின் திட்டங்களைக் கொண்டு
வரவில்லை. தமிழகத்தில் மின் பற்றாக்குறைக்கு இதுவே முழு முதல் காரணம்.நிலக்கரி இறக்குமதி தொடர்பான அவரது குற்றச்சாட்டுகள் கற்பனையானவை. உண்மைக்கும் அதற்கும் சம்பந்தமில்லை.பென்னாகரம்
இடைத் தேர்தலில் அ.தி.மு.க. மூன்றாவது இடத்துக்குத் தள்ளப்பட்டு, டெபாசிட்
தொகையையும் இழந்து நிற்கிறது. அந்தத் தோல்வியை மறைக்க வேறு எந்த வழியும்
தெரியாமல் மின் வாரியத்தின் மீது சேற்றை வாரி இறைக்கும் முயற்சியே
ஜெயலலிதாவின் குற்றச்சாட்டுகள் ஆகும்.பென்னாகரம் இடைத் தேர்தலில்
பா.ம.க.வுடன் சேர்ந்து போட்டியிட அ.தி.மு.க.வினர் எந்த அளவுக்கு
முயன்றார்கள், பா.ம.க. தலைவர் ஜி.கே.மணியிடம் யார்யார் எல்லாம் பேசி போயஸ்
தோட்டத்துக்கு வருமாறு அழைத்தார்கள் என்பது பத்திரிகைகளில் வெளிவந்துள்ளது.இதற்கு
எல்லாம் பதில் கூற வேண்டிய நெருக்கடியில் உள்ள ஜெயலலிதா, ஏதோ நம்பகமாக
கிடைத்த தகவல் என்று கூறி அறிக்கை விடுவதால் நிலக்கரியின் தரம்
குறைந்துவிடவில்லை; மாறாக, அவரது தரம் வேகமாகக் குறைந்து வருவதைத்தான்
அவரது அறிக்கை காட்டுவதாக முதல்வர் கருணாநிதி தெரிவித்துள்ளார்