குறைந்த செலவில் நில நடுக்கத்தால் பாதிக்கப்படாத வீடு :சென்னை ஐ.ஐ.டி சாதனை

புதிய தொழில் நுட்பத்தை பயன்படுத்தி நில நடுக்கத்தால் பாதிக்கப்படாத
குறைந்த செலவில் இரண்டு அடுக்கு வீட்டை சென்னை ஐஐடி பொறியியல் துறை
கட்டியுள்ளது. உரத் தொழிற்சாலைகளின் கழிவு பொருட்கள், கண்ணாடி இழைகள்
மற்றும் ஜிப்சம் உப்பு ஆகியவற்றின் கூட்டுச் சேர்க்கையில் தயாரிக்கப்பட்ட
(கிளாஸ் பைபர் ரீ இன்போர்ஸ்டு ஜிப்சம்) ஜிஎப்ஆர்ஜி பலகைகள் வைத்துதான்
சென்னை ஐ.ஐ.டி சிவில் இன்ஜினீயரிங் துறை இப்படியொரு ஒரு வீட்டை
கட்டியுள்ளது.

1981 சதுர அடி அளவில் இரண்டு அடுக்குகள் கொண்ட இந்த வீடு ஒரே மாதத்தில்
கட்டி முடிக்கப்பட்டுள்ளது. 55 சதுர அடி பிளாட் கட்ட சுமார் 6 லட்சம்
என்னும் குறைந்த செலவில் வீடுகள் கட்டுவது குறித்து ஐ.ஐ.டி நடத்திய ஆய்வில்
இந்த வீடு கட்டி முடிக்கப்பட்டுள்ளது. பொருளாதாரத்தில் பின்தங்கியுள்ள,
குறைந்த பட்ஜெட்டில் வீடு கட்ட விரும்பும் நடுத்தர குடும்பங்களுக்கு இந்த
புதிய தொழில் நுட்பம் பயன்படும்.

பரீட்சார்த்த முறையில் ஐ.ஐ.டி வளாகத்தில் கட்டி முடிக்கப்பட்டுள்ள மாதிரி
வீட்டை, பிரதமரின் ஆலோசகர் டி.கே.ஏ.நாயர் அண்மையில் திறந்து வைத்தார்.
சென்னை ஐ.ஐ.டியின் இயக்குநர் பாஸ்கர் ராமமூர்த்தி முன்னிலை வகித்தார்.
கடந்த 2003ம் ஆண்டில் இருந்து சென்னை ஐ.ஐ.டியில் இந்த ஆய்வு நடத்தப்பட்டு
வந்தது. ஜிப்சம்பிளாஸ்டர் கொண்டு தயாரிக்கப்பட்டுள்ள சுவர் போன்ற பலகைகள்
ஆஸ்திரேலியாவில் உள்ள ஆர்.பி.எஸ் நிறுவனம் தயாரித்துள்ளது.

இதைக் கொண்டு கட்டப்படும் வீடுகள் நிலநடுக்கத்தால் பாதிக்காத வகையிலும்,
பூமியின் ஈர்ப்பாற்றலை தாங்கும் வகையிலும் இருக்கும். ஜி.எப்.ஆர்.ஜி
பலகைகள் 12 மீட்டர் நீளம், 3 மீட்டர் உயரம் 124 மிமீ கனம் கொண்டவையாக
தயாரிக்கப்படுகின்றன. இவற்றை பயன்படுத்தி வீடுகட்டும்போது குறைந்த அளவு
சிமெண்ட், குறைந்த அளவு இரும்புதான் தேவைப்படும். நீண்ட காலத்துக்கு
நீடித்து உழைக்கும்.

தற்போதைய சூழ்நிலையில் கட்டப்படும் வீடுகளின் செலவைக் காட்டிலும் இந்த
ஜிப்சம் பலகை கொண்டு வீடுகட்டினால் 20 சதவீதம் வரை சேமிக்கலாம் என்று
ஐ.ஐ.டியின் சிவில் இன்ஜினீயரிங் துறை பேராசிரியர் தேவதாஸ் மேனன்
தெரிவித்தார்.

அப்போது பிரதமரின் ஆலோசகர் டி.கே.ஏ. நாயர் பேசும்போது,”குறைந்த செலவில்
கட்டப்படும் வீடுகள் குறித்த செய்தியை ஏழை எளிய மக்களுக்கு கொண்டு சேர்க்க
வேண்டும். இதுபோன்ற வீடுகளை அனைத்து மாநிலங்களிலும் உள்ள வீட்டுவசதி
வாரியங்கள் கட்டுவதற்கு ஊக்குவிக்க வேண்டும். மேலும் இந்த புதிய தொழில்
நுட்பம் குறித்து பொதுமக்களுக்கு தெரிவித்து அவர்களை இந்த வீடுகட்டுவதற்கு
சம்மதிக்க வைக்க வேண்டும். ஜிப்சம் பலகைகள் வெளி நாட்டில் இருந்து கொண்டு
வருவதற்கான செலவை குறைக்கும் வகையை அரசு ஆராயும். மாநில அரசுகள்,
பொறியாளர்கள், ஐ.ஐ.டி போன்றவை இந்த தொழில் நுட்பம் வளருவதற்கு உதவு வார்கள்
என்ற நம்பிக்கை உள்ளது”என்று பிரதமரின் ஆலோசகர் டிகேஏ நாயர் பேசினார்.

A six-lakh flat developed by IIT Madras!
*****************************************
Imagine a 500-square foot flat that costs about six lakhs. The cheap
and eco-friendly house has been designed by the Indian Institute of
Technology (IIT) Madras which hopes it has delivered a model for housing
projects that can be used by the government for the poor. “We hope it
will be a game changer in addressing the housing shortage,” said Devdas
Menon, a professor at IIT. The university has offered to train builders
in copying its model.