தமிழகத்தில் கனமழை பொழியும் ‘மகேசன்’ புயல் வந்து கொண்டிருக்கிறது!

கோடை காலத்தில் புயல் சின்னங்கள் உருவாவது மிகவும் அபூர்வம்.
அந்தவகையில், அக்னி நட்சத்திர காலமான தற்போது வங்கக்கடலில் புயல் சின்னம்
ஒன்று உருவாகி உள்ளது. கடந்த செவ்வாய்க்கிழமை வங்கக்கடல் மீது காற்றின்
மேல் நோக்கிய சுழற்சி காரணமாக இந்த வானிலை மாற்றம் ஏற்பட்டுள்ளது.

இதையடுத்து, நேற்றுமுன்தினம் சென்னைக்கு 1,200 கி.மீ. தொலைவில்
தென்கிழக்கு வங்கக்கடலில் குறைந்த காற்றழுத்தம் (புயல் சின்னம்) மையம்
கொண்டுள்ளது. இது தீவிரம் அடைந்து காற்றழுத்த தாழ்வு மண்டலமாகவும்,
பின்னர், தீவிர காற்றழுத்த தாழ்வு மண்டலமாகவும் மாறும் என்று
எதிர்பார்க்கப்படுகிறது.

இது மேலும் வலுவடைந்து புயலாக உருவெடுக்கும் என்று எதிர்பார்க்கப்படுகிறது.
இந்த புயலுக்கு ‘மகேசன்’(mahaesen) என்று பெயர் சூட்டி உள்ளனர். இந்த
புயல் தீவிர புயலாக மாறி, ஒரிசா அருகே 16-ந்தேதிக்குள் கரையை கடக்கும்
என்று எதிர்பார்க்கப்படுகிறது.

இதனால் அடுத்த வாரம் தமிழ்நாட்டில் கனமழை பெய்யும் என்று வானிலை
ஆராய்ச்சி மையம் தெரிவித்துள்ளது. ஆனால், வானிலை ஆராய்ச்சி நிபுணர்
எஸ்.ராமச்சந்திரன் வேறுவிதமாக கருத்து தெரிவித்துள்ளார். ‘மகேசன்’ புயல்,
எதிர்பார்க்கப்பட்ட வலிமையை இழந்து தமிழ்நாடு அல்லது ஆந்திரா கடற்கரை அருகே
15-ந்தேதிக்குள் கரையை கடக்கும் என்று அவர் கூறியுள்ளார்.

அவர் மேலும்,”15-ந்தேதிக்கு பிறகு, சூரியன் மீதான ஒரு கோளின் ஆதிக்கம்
குறையும் என்று கோள்களின் நிலவரம் தெளிவாக காட்டுகிறது. எனவே,
15-ந்தேதியன்று தமிழ்நாட்டில் மழை பெய்யும். ஆனால் இந்த புயல் பலமிழந்து
ஆந்திர கடற்கரை அருகே கரையை கடக்கும். ‘தானே’ புயல், கடுமையான
சூறைக்காற்றுடன் மழையை கொடுத்தது.

ஆனால், ‘மகேசன்’ புயல், தமிழ்நாட்டுக்கு சூறைக்காற்றை விட கன
மழையைத்தான் அதிகமாக கொடுக்கும். ஆந்திராவில் மழையை விட சூறைக்காற்று
அதிகமாக வீசும். ஒரிசா, மேற்கு வங்காளத்தின் மேற்கு பகுதிகள் மற்றும்
வடகிழக்கு மாநிலங்களிலும் மழை பெய்யும்.”என்று அவர் கூறினார்.

A large zone of unsettled weather near and south of India has
resulted in the formation of one tropical cyclone, and another may form
soon.The first area, just east of Sri Lanka, will pose the greatest
threat to land, as the potential tropical cyclone could bring impacts to
areas from India to Bangladesh and Myanmar.
Farther south, Tropical Cyclone 24S formed on Wednesday from this broad area of unsettled weather.