அப்சல்குருவின் கருணை மனு நிராகரிப்பு : தூக்கு எப்போது?

புதுடில்லி : 2001ம் ஆண்டு பார்லிமென்ட் கட்டிடம் தாக்கப்பட்ட
வழக்கில் முக்கிய குற்றவாளியான பயங்ரவாதி அப்சல்குருவின் கருணை மனுவை
ஜனாதிபதி பிரணாப் முகர்ஜி இன்று நிராகரித்துள்ளார். இதனால் அவரது தூக்கு
தண்டனை உறுதி செய்யப்பட்டுள்ளது.


அப்சல்குரு யார்? :


ஜெய்ஷி இ முகம்மது என்ற பயங்கரவாத இயக்கத்தை சேர்ந்தவர் அப்சல்குரு
எனப்படும் முகம்மது அப்சல்குரு. இவர் 2001ம் ஆண்டு டிசம்பர் மாதம் நடைபெற்ற
பார்லிமென்ட் தாக்குதல் வழக்கில் முக்கிய குற்றவாளியாக தேடப்பட்டு
வந்தவர். லக்ஷர் இ தொய்பா மற்றும் ஜெய்ஷி இ முகம்மது ஆகிய பயங்கரவாத
இயக்கங்களால் இந்த தாக்குதல் நடத்தப்பட்டது. போலீசாரால் தேடப்பட்டு வந்த
இவர் 2001ம் ஆண்டு டிசம்பர் மாதம் கைது செய்யப்பட்டார். தொடர்ந்து விசாரணை
நடத்தப்பட்டு 2004ம் ஆண்டு சுப்ரீம் கோர்ட் இவருக்கு தூக்கு தண்டனை வழங்கி
தீர்ப்பளித்தது. 2006ம் ஆண்டு அக்டோபர் 20ம் தேதி அப்சல்குருவிற்கு தூக்கு
தண்டனை நிறைவேற்றப்படுவதாக அறிவிக்கப்பட்டிருந்தது. இந்நிலையில் சுப்ரீம்
கோர்ட் தீர்ப்பை மறுபரிசீலனை செய்யுமாறு அவர் ஜனாதிபதிக்கு கருணை மனு
அளித்தார். கடந்த 6 ஆண்டுகளாக நிலுவையில் இருந்த கருணை மனுவை இன்று
நிராகரிப்பதாக ஜனாதிபதி அறிவித்துள்ளார்.


அப்சல்குரு மீதான வழக்குகள் :


2001ம் ஆண்டு பார்லிமென்ட்
தாக்குதல் மட்டுமின்றி அதற்கு முன் டில்லியில் நடைபெற்ற
குண்டுவெடிப்புகளுக்கு அப்சல்குருவே காரணம் என உறுதி செய்யப்பட்டது.
இவ்வழக்கில் 8 கண்ணால் கண்ட சாட்சிகளும், பிற சாட்சிகளும்
விசாரிக்கப்பட்டன. இவர்களில் 10 பேர் அப்சல்குருவிற்கு எதிராக சாட்சியம்
அளித்தனர். சட்டப்பிரிவு 121, 121 ஏ, 122, 120 பி உள்ளிட்ட பல்வேறு
பிரிவுகளில் கீழ் அப்சல்குரு மீது வழக்குப்பதிவு செய்யப்பட்டிருந்தது.
அப்சல்குருவிற்கு ஆயுள் தண்டனை விதிக்க 8 கோர்ட்டுகள் தீர்ப்பளித்தன.
இருப்பினும் டில்லி ஐகோர்ட்டில் இவ்வழக்கு மேல் முறையீடு செய்யப்பட்டது.
அப்சல்குருவை விடுதலை செய்யுமாறு வலியுறுத்தி 2011ம் ஆண்டு செப்டம்பர்
மாதம் 7ம் தேதி டில்லி ஐகோர்ட் வளாகத்தில் குண்டுவெடிப்பு நிகழ்த்தப்பட்டது
குறிப்பிடத்தக்கது. இந்த தாக்குதலில் 11 பேர் பலியாகினர். மேலும் 76 பேர்
படுகாயம் அடைந்தனர்.

அமைச்சகம் பரிந்துரை :


2010ம் ஆண்டு ஜூன் மாதம் 23ம் தேதி
அப்சல்குருவின் கருணை மனுவை நிராகரிக்குமாறு ஜனாதிபதிக்கு மத்திய உள்துறை
அமைச்சகம் பரிந்துரை செய்தது. 2011ம் ஆண்டு ஆகஸ்ட் 10ம் தேதி மத்திய
உள்துறை அமைச்சகம் அப்சல்குருவின் மனுவை நிராகரித்தது குறிப்பிடத்தக்கது.
மும்பை தாக்குதல் குற்றவாளி அஜ்மல் கசாப் தூக்கிடலிடப்பட்ட பின்னர்
அப்சல்குருவையும் தூக்கிலிட பல்வேறு தரப்பிலும் வலியுறுத்தப்பட்டு வந்தது.
அமைச்சர்கள் பலரும், அரசியல் கட்சியினரும் தொடர்ந்து மத்திய அரசை
வலியுறுத்தி வந்தனர். டிசம்பர் 20ம் தேதி பார்லிமென்ட் குளிர்கால
கூட்டத்தொடருக்கு பின் அப்சல்குரு மீதான வழக்கு குறித்து முடிவு
செய்யப்படும் என மத்திய உள்துறை அமைச்சர் சுஷில்குமார் ஷிண்டே
தெரிவித்திருந்தார்.

SAKATTUM NAI MAKAN.INDIA VA ALIKKA NENITTAVANUKKU EDU SARIYANA PADAM.EVANAI PUDIKKA KUDADU,EARITTU SAMBALI KADAL LA KARIKANUM.