இந்திய மண்ணில் உலவும் இலங்கை உளவாளிகள் !

by **ஜனனி** Thu Jan 24, 2013 5:48 pm

கடந்த வாரம் இலங்கையில் தேசிய பாதுகாப்பு
மையத்தின் இணையம் உடைக்கப்பட்டது யாவரும் அறிந்ததே. இதனை ஊடறுத்த சிலர்,
அங்கிருந்த பல தகவல்களை எடுத்துச் சென்று பிறிதொரு இணையத்தில்
பிரசுரித்துள்ளார்கள். இதன் அடிப்படையில், இலங்கையுடன் தொடர்புகளைப்
பேணிவந்த பலரது மின்னஞ்சல்கள் வெளியாகியுள்ளது. குறிப்பிட்ட சில
மின்னஞ்சல்களுக்கு உரிய சொந்தக்காரர் சிலர் தற்போது அடையாளம்
காணப்பட்டுள்ளார்கள். லண்டனில் இயங்கிவரும் ஐ.பி.சி வானொலியின்
மின்னஞ்சலும் இலங்கை பாதுகாப்பு மையத்தில் பதிவுசெய்யப்பட்டுள்ளது என்ற
செய்தியை நாம் ஏற்கனவே வெளியிட்டு இருந்தோம். இதேவேளை இந்தியாவில், அதிலும்
குறிப்பாக தமிழ் நாட்டில் சுமார் 4 வர் இதுவரை அடையாளம்
காணப்பட்டுள்ளார்கள்.

பிரேமச்சந்திரன் (சென்னை), சிவகுமரன்(சென்னை), மகேஷ் பற்றிராஜா, மற்றும்
கிருஷ்ணி எனப்படும் நால்வருமே இந்திய மண்ணில் இருந்து இலங்கை தேசிய
பாதுகாப்பு மையத்தோடு தொடர்புகளைப் பேணிவருகின்றனர். இவர்கள் குறிப்பிட்ட
இணையடத்தளமூடாக மின்னஞ்சல் பரிவர்த்தனையில் ஈடுபட்டுள்ளார்கள். மை
எஸ்.கியூ.எல் என்று சொல்லப்படும் டேட்டா பேசில் (சேமிப்பில்) உள்ள
தகவல்களின் அடிப்படையில், இவை பெறப்பட்டுள்ளது. சமீபத்தில் இலங்கையில் உள்ள
பாக்கிஸ்தான் தூதரகத்துக்கு உளவுபார்த்த நபர் ஒருவரை தமிழகப் பொலிசார்
கைதுசெய்துள்ளார்கள். அவர் அடிக்கடி இலங்கை சென்று வந்ததும் பின்னர்
தெரியவந்தது. இதன் அடிப்படையில் தற்போது சிங்களத்தின் உளவாளிகளும்
தமிழகத்தில் நிலைகொண்டுள்ளார்கள் என்பது ஆதாரபூர்வமாக வெளியாகியுள்ளது.

தமிழகத்தில், அண்மையில் முன் நாள் விடுதலைப் புலிகள் சிலர்
கைதாகியிருந்தனர். அவர்களை பொலிசார் கைதுசெய்யச் சென்றவேளை அவர்கள்
வீட்டில் வெடி மருந்தும் மேலும் சில பொருட்களும் இருந்ததாக தமிழகப்
பொலிசார் தெரிவித்தனர். இக் கைதிலும் மற்றும் சில காட்டிக்கொடுப்புகளிலும்,
இந்த சிங்கள உளவாளிகள் சம்பந்தப்பட்டிருக்கலாம் என தற்போது
கருதப்படுகிறது. சந்தேகத்துக்கிடமான இவர்கள், நால்வரும் தமிழர்கள் என்ற
படியால், இவர்கள் தமிழகத்தில் உள்ள ஈழத் தமிழர்களோடு தொடர்புகளை
மேற்கொண்டு, அவர்களிடம் இருந்து விடுதலைப் புலிகள் தொடர்பான, பல தகவல்களைப்
பெற்று அதனை இலங்கை அரசுக்கு கொடுத்து வந்திருக்கலாம் என்றும்
சந்தேகிக்கப்படுகிறது. இவர்களின் மின்னஞ்சலூடாகப் பெறப்பட்ட சில
புகைப்படங்களை நாம் இங்கே வெளியிட்டுள்ளோம். இருப்பினும் படத்தில்
உள்ளவர்கள் தான் மின்னஞ்சலுக்கு சொந்தக்காரர் எனக் கூறிவிடமுடியாது.
குறிப்பிட்ட தகவல்களை தமிழ் நாடு பொலிசாரிடம் அதிர்வு இணையம் வழங்கியுள்ளது
என்பதும் குறிப்பிடத்தக்க விடையம்.