பாகிஸ்தானுடன் மத்திய அரசு ரகசிய பேச்சு: அத்வானி புகார்

"காஷ்மீர்
பிரச்னை குறித்து பாகிஸ் தானுடன் மத்திய அரசு ரகசியமாக பேச்சுவார்த்தை
அமெரிக்காவின் தூண்டுதலுடன் நடைபெற்றது. இந்த ரகசிய பேச்சுவார்த்தை
குறித்து நாட்டு மக்களுக்கு அரசு தெரியப்படுத்த வேண்டும்' என்று பா.ஜ.,
கூறியுள்ளது.


பா.ஜ., மூத்த தலைவர்
அத்வானி பேசிய போது பிரதமர் மன்மோகன் குறுக்கிட்டுப் பேசி சூடாக
பதிலளித்தார். பார்லிமென்டில் ஜனாதிபதி உரைக்கு நன்றி தெரிவிக்கும்
தீர்மானம் மீது பா.ஜ., மூத்த தலைவரான அத்வானி பேசியதாவது: காஷ்மீர்
இந்தியாவின் ஒருங்கிணைந்த ஒரு பகுதி. ஆனால், காஷ்மீர் பிரச்னை குறித்து
பாகிஸ்தானுடன் மத்திய அரசு ரகசியமாக பேச்சுவார்த்தை நடத்தி வந்துள்ள
விவரம் தற்போது அம்பலம் ஆகியுள்ளது. கடந்த 2008ம் ஆண்டு இந்த
பேச்சுவார்த்தை நடந்ததாகவும் அது இரண்டு காரணங்களால் கைவிடப்பட்டதாகவும்
அமெரிக்க பத்திரிகை செய்தி வெளியிட்டுள்ளது. முஷாரப்பின் பதவி இறக்கம் மற்
றும் மும்பை தாக்குதல் சம்பவம் ஆகிய இரு காரணங் களால் இந்த ரகசிய
பேச்சுவார்த்தை நடைபெறவில்லை என்றும் அமெரிக்காவின் தூண்டுதலின்
பேரில்தான் இந்த பேச்சுவார்த்தை நடைபெற்றது என்றும் அந்த பத்திரிகை
தெரிவித்துள்ளது. இது உண்மையா என்பதை மக்களுக்கு மத்திய அரசு தெளிவுபடுத்த
வேண்டும்.


1994ம் ஆண்டு
இந்தியாவின் ஒருங்கிணைந்த பகுதி காஷ்மீர் என்று பார்லிமென்டில் தீர்மானமே
நிறைவேறியுள்ளது. இதிலிருந்து காங்கிரஸ் நழுவிட முடியாது. இவ்வாறு அத்வானி
பேசியபோது பிரதமர் குறுக்கிட்டு, "தேசிய ஜனநாயக கூட்டணி ஆட்சியில்
அமெரிக்க அதிகாரிகளுடன் அப்போதைய வெளியுறவு அமைச்சர் ஜஸ்வந்த்சிங் 25 தடவை
பேசினாரே அதை பா.ஜ., வெளியிட்டதா' என்று கேட்டார். மேலும், அவர், "நீங்கள்
புதிதாக ஒரு விஷயத்தை இந்த வாதம் மூலம் விதைக்கப்பார்க்கிறீர்கள்.
அமெரிக்காவைப் பற்றியும், அமெரிக்க அதிபர் ஒபாமாவைப் பற்றியும் தாங்கள்
கூறுவது உண்மையல்ல. இந்திய-பாக்., உறவு விஷயத்தில் அமெரிக்காவின்
கொள்கையில் எவ்வித மாற்றமும் இல்லை என்பதை ஒபாமா தெளிவாகக் கூறினார்'
என்றார்.


தொடர்ந்து அத்வானி
பேசுகையில், "ஒரே தகுதி ஒரே ஓய்வூதியம் திட்டத்திற்காக ஓய்வு பெற்ற
ராணுவத்தினர் போராட்டம் நடத்தினால் அதை ஆதரிக்க பா.ஜ., தயார்' என்றார்.
அப்போதும் குறுக்கிட்ட பிரதமர், "அரசாங்கத்திற்கு எதிராக ராணுவத்தை
தூண்டிவிடுவது சரியல்ல,' என்றார். தொடர்ந்து பேசிய அத்வானி, "சுவிட்
சர்லாந்து வங்கியில் உள்ள கறுப்பு பணத்தை மீட்பதற்கு ஜெர்மனி, அமெரிக்கா
போன்ற நாடுகள் நடவடிக்கை எடுத்து வருகின்றன. ஆனால், இந்தியா காலதாமதம்
செய்கிறது' என்றார். அப்போது எழுந்த லாலு பிரசாத்," அதற்குள் தங்களது
பணத்தை எடுத்து விடலாம் என்பதால் காலதாமதம் செய் கிறார்களோ என்னவோ'
என்றார்.


பின்னர் அத்வானி பேசியதாவது:
ஆயிரக்கணக்கான கோடி ரூபாய் செலவில் அரசாங்கம் எண்ணற்ற திட் டங்கள்
தீட்டுகிறது. மக்களின் வரிப் பணத்தில் இந்த திட்டங்கள்
செயல்படுத்தப்படுகின்றன. ஆனால், மத்திய அரசின் ஏறத்தாழ 450 திட்டங்களுக்கு
இந்திரா, ராஜிவ்,நேரு ஆகிய மூவரது பெயர்கள் மட்டுமே சூட்டப்பட் டுள்ளன.
வேறு தலைவர்கள் யாருமே இல்லையா. இது என்ன நியாயம்? ராணுவத்தின் உற்பத்தி
துறையில் மட்டுமே தனியார் அனுமதிக்கப் பட்டுள்ளனர். ஆராய்ச்சித்துறையிலும்
தனியாரை அனுமதிக்க வேண்டும். விலைவாசி உயர்வால் மக்கள் கடும்
அவதிப்படுகின்றனர். விலைவாசிப் பிரச்னைக்கு வெறுமே நிர்வாக ரீதியிலான
நடவடிக் கைகள் போதாது. அரிசி, பருப்பு உள் ளிட்ட அத்தியாவசியப்
பண்டங்களின் ஏற்றுமதி இறக்குமதி நடவடிக்கைகளில் பெரிய ஊழல் நடைபெற்று
வருகின்றது. இதை கண்டுபிடிக்க பார்லிமென்ட்டின் கூட்டுக்குழு அமைக்க
வேண்டுமென கோரிக்கை வைக்கப் பட்டு வருகிறது. இதை அரசாங்கம் ஏற்க
மறுக்கிறது.


தேர்தல் சீர்திருத்த
நடவடிக்கைகளில் அரசாங்கம் கவனம் செலுத்தாமல் இருந்து வருகிறது. தற்போது,
பணத் தை ரகசியமாக ஸ்பான்சர் செய்து தேர் தல் விளம்பரங்கள் செய்யும் நிலை
வந்துள்ளது. இதுபோன்ற நடவடிக்கைகள் தடுக் கப்பட வேண்டும். தேர்தல்
சீர்திருத்தங் களுக்காக நிறைய கமிட்டிகள் போடப் பட்டு, அந்த கமிட்டிகள்
அளித்த அறிக் கைகள் மற்றும் பரிந்துரைகள் ஆகியவை அப்படியே கிடப்பில்
கிடக்கின் றன. தங்களுக்கு சாதகமாக எல்லாம் நடப்பதால், தேர்தல்
சீர்திருத்தங்கள் பற்றி, அரசாங்கம் யோசிக்காமல் தவிர்த்து வருகிறது.
இவ்வாறு அத்வானி பேசினார்.