முல்லைப் பெரியாறுக்கு கேரளத்தால் ஆபத்து: பொறியாளர்கள் எச்சரிக்கை

சென்னை, மே 14: முல்லைப் பெரியாறு அணை பலவீனமாகாமல் தடுக்க 8 சோதனைத் துளைகளை
உடனடியாக தமிழக போலீஸ் துணையுடன் அடைக்க வேண்டும். இல்லையெனில் அணைக்கு ஆபத்து
ஏற்படும் என்று தமிழ்நாடு பொதுப்பணித் துறை மூத்த பொறியாளர்கள் சங்கம்
எச்சரித்துள்ளது.
இது குறித்து அந்த சங்கத்தைச் சேர்ந்த துணைத் தலைவர்கள் ஆர்.வி.எஸ்.
விஜயகுமார், நடராஜன், சட்ட ஆலோசகர் சுப்பிரமணியன், பொதுச்செயலர் வீரப்பன், பொருளாளர்
செல்வராஜ் ஆகியோர் சென்னையில் திங்கள்கிழமை அளித்த பேட்டி:
முல்லை பெரியாறு அணையை ஆய்வு செய்த நீதிபதி ஆனந்த் தலைமையிலான குழு உச்ச நீதி
மன்றத்தில் அறிக்கை தாக்கல் செய்தது. இதில் முல்லைப் பெரியாறு அணை கட்டுமான தாங்கு
திறனுடையதாகவும், நீரழுத்தத்தையும் நில நடுக்கத்தையும் தாங்கும் வகையிலும்
பாதுகாப்பாக உள்ளது. எனவே அணையின் நீர்மட்டத்தை 136 அடியிலிருந்து 142 அடிக்கு
உயர்த்திக்கொள்ளலாம் என்று கூறியுள்ளது.
அத்துடன் அணையின் நீர்மட்டத்தை 142 அடியிலிருந்து 152 அடிக்கு உயர்த்த மற்றொரு
வல்லுனர் குழு அமைக்கப்பட வேண்டும். இந்திய அரசின் திட்டக்குழு மற்றும்
சுற்றுச்சூழல் அமைச்சகத்தின் அனுமதியுடன் கேரளம் தனது சொந்த செலவில் ஒரு புதிய
அணையைக் கட்டிக்கொள்ளலாம். அதுவரை 1886 மற்றும் 1976-ம் ஆண்டு ஒப்பந்தப்படி முல்லைப்
பெரியாறு அணையின் அனைத்து உரிமைகளும் தமிழக அரசுக்கு உண்டு. புதிய அணை இயக்கம்
மற்றும் பராமரிப்பிற்கான புதிய ஒப்பந்தத்தை இருமாநிலங்களும் செய்து கொள்ளவேண்டும்.
இதற்காக இரண்டு மாநில அரசுகளின் பிரதிநிதிகள் கொண்ட குழுவை அமைக்க வேண்டும். ஆபத்து
காலத்தில் நீரை வெளியேற்ற சுரங்க மதகு புதிதாக கட்ட வேண்டும் என்று ஆலோசனைகளையும்
அளித்துள்ளது. இந்த ஆலோசனைகள் கேரள அரசுக்கு சாதகமானவை. இந்த ஆலோசனைகளை அந்த
வல்லுனர் குழு வழங்க தேவையில்லாதது.
ஆக்கிரமிப்பு: முல்லைப்பெரியாறு அணையின் தற்போதுள்ள நீர்த்தேக்க அளவான 136
டிக்குமேல் உள்ள சுமார் 3600 ஏக்கர் பரப்பளவில் முறையான அனுமதியின்றி ஹோட்டல்கள்,
தங்கும் விடுதிகள் கட்டப்பட்டு சுற்றுலாத்தலமாக ஆக்கிரமிப்பு செய்யப்பட்டுள்ளது.
இந்தக் கட்டடங்களின் உரிமையாளர்கள் கேரளத்தைச் சேர்ந்தவர்கள். இதனால் கேரள
சுற்றுலாத் துறைக்கு பல கோடி ரூபாய் லாபம் வருகிறது. அணையின் உயரத்தை
அதிகப்படுத்தினால் இந்த கட்டடங்களுக்கு பாதிப்பு வரும் அதனால்தான் கேரள அரசு அணையின்
உயரத்தை அதிகப்படுத்த தடைபோடுகிறது. அணை தமிழக அரசின் கட்டுப்பாட்டில் இருந்தும்கூட
இந்த ஆக்கிரமிப்பு தடுக்கப்படவில்லை.
போலீஸ் பாதுகாப்புடன்... நீதிபதி ஆனந்த் தலைமையிலான ஐவர் குழு அணையின் வலுவைச்
சோதித்திட 130 முதல் 190 அடி வரையிலான ஆழத்தில் 8 அடி விட்டத்தில் துளைகளை போட்டு
மாதிரி சேகரித்துள்ளது. கடந்த 4 மாதங்களாக அந்த துளைகள் அப்படியே உள்ளன. அடுத்த
மாதம் பருவ மழை தொடங்க உள்ளது. அதற்குள் துளைகளை அடைக்கவேண்டும். அந்த துளைகள்
அப்படியே இருந்தால் தண்ணீர் உள்புகுந்து அணை பலவீனமாக்கூடும். அந்த துளைகளை
கான்கிரீட் கொண்டு அடைக்க தமிழக பொறியாளர்கள் முயல்வதை அணைக்கு பாதுகாப்புக்கு
இருக்கும் கேரள போலீஸôர் தடுத்துவருகின்றனர். இது ஆய்வுக்குழுவுக்கு
தெரிவிக்கப்பட்டும் எந்த நடவடிக்கையும் இல்லை.
1961-ல் தமிழக போலீûஸ பாதுகாப்பு பணியில் இருந்து விலக்கிக்கொண்டு கேரள
போலீஸôர் பாதுகாப்புக்கு நியமிக்கப்பட்டனர். அந்த போலீஸôருக்கு தமிழக அரசு ஊதியம்
வழங்கிக் கொண்டு இருக்கிறது. எனவே அணையின் பாதுகாப்புப் பணிக்கு தமிழக போலீûஸ
நியமித்து அவர்கள் உதவியுடன் அந்த துளைகளை அடைக்க வேண்டும். துளைகள்
அடைக்கப்படாவிட்டால் கேரளத்தால் அணைக்கு ஆபத்து வரக்கூட வாய்ப்பு உள்ளது.
சட்டப்படியும், ஒப்பந்தப்படியும் முல்லைப் பெரியாறு அணை தமிழகத்தின் சொத்து.
அதன் முழு உரிமையும் தமிழக அரசுக்கே உள்ளது. இது ஒரு முறைக்கு பல முறை
உச்சநீதி மன்றத்தால் உறுதி செய்யப்பட்டுள்ளது. ஆனந்த் குழுவும் அதன் அறிக்கையில்
உறுதி செய்துள்ளது. எனவே முல்லைப்பெரியாறு அணையை பாதுகாக்க தமிழக அரசு விரைவாகச்
செயல்பட்டு, தமிழக போலீஸ் படையை நிறுத்தி உரிமையை நிலை நாட்டவேண்டும் என்று அவர்கள்
கூறினர்.