பட்டையை கிளப்பினார் பாலாஜி! * கோல்கட்டா அணிக்கு முதல் வெற்றி * பெங்களூரு சொதப்பல் ஆட்டம்

[You must be registered and logged in to see this image.]



பெங்களூரு: ஐ.பி.எல்.,
லீக் போட்டியில் பாலாஜியின் மிரட்டல் பந்துவீச்சு கைகொடுக்க, கோல்கட்டா
நைட் ரைடர்ஸ் அணி முதல் வெற்றியை ருசித்தது. 42 ரன்கள் வித்தியாசத்தில்
வீழ்ந்த பெங்களூரு அணி, சொந்த மண்ணில் ஏமாற்றம் அளித்தது.
ஐந்தாவது
ஐ.பி.எல்., தொடரின், 10வது லீக் போட்டியில் பெங்களூரு ராயல் சாலஞ்சர்ஸ்,
கோல்கட்டா நைட்ரைடர்ஸ் அணிகள் மோதின. "டாஸ்' வென்ற பெங்களூரு அணி கேப்டன்
வெட்டோரி, "பீல்டிங்' தேர்வு செய்தார்.
காம்பிர் அபாரம்:
கோல்கட்டா
அணிக்கு கேப்டன் காம்பிர், காலிஸ் ஜோடி அதிரடி துவக்கம் கொடுத்தது. ஜாகிர்
கான் ஓவரில் காலிஸ், இரண்டு பவுண்டரி விளாச, மறுமுனையில் ஹர்ஷால் படேல்
ஓவரில் இரு பவுண்டரி, ஒரு சிக்சர் அடித்தார் காம்பிர். 6 ஓவரில் 60 ரன்கள்
சேர்த்த போது, வெட்டோரி "சுழலில்' காலிஸ் (22) சிக்கினார். பின் வந்த
பிஸ்லா, விராத் கோஹ்லி ஓவரில் சிக்சர், பவுண்டரி அடித்தார். காம்பிர்,
ஐ.பி.எல்., அரங்கில் 11வது அரைசதம் கடந்தார். 10.3 ஓவரில் கோல்கட்டா அணி
100 ரன்களை எட்டியது.
திடீர் சரிவு:
தொடர்ந்து
படேல், வெட்டோரி பந்துகளில் சிக்சர் அடித்த பிஸ்லா (46) அரைசத வாய்ப்பை
இழந்தார். அடுத்து வந்த வீரர்கள் வரிசையாக பெவிலியன் திரும்பினர். யூசுப்
பதான் (1) ஏமாற்றினார். ஜாகிர் கான் ஓவரில் காம்பிர்(64), மனோஜ் திவாரி (2)
அவுட்டாகினர். டென் டஸ்காட்டே (3) முரளிதரனின் "தூஸ்ரா'வில் சிக்கினார்.
சாகிப் அல் ஹசன் (4), சுக்லாவும் (5) ஏமாற்றினர்.
கடைசி ஓவரில்
பிரட் லீ, சிக்சர் அடிக்க, கோல்கட்டா அணி 20 ஓவரில் 8 விக்கெட்டுக்கு 165
ரன்கள் எடுத்தது. பிரட் லீ (8), பாட்யா (4) அவுட்டாகாமல் இருந்தனர்.
கெய்ல் ஏமாற்றம்:
சவாலான
இலக்கை விரட்டிய பெங்களூரு அணிக்கு காலிஸ் அதிர்ச்சி கொடுத்தார். இவரது
"வேகத்தில்' முதலில் புஜாரா (6), "ஆபத்தான' கெய்ல்(2) வீழ்ந்தனர்.
பாலாஜி அசத்தல்:
இதற்கு
பின் பாலாஜி மிரட்டினார். இவரது அடுத்தடுத்த ஓவர்களில் விராத் கோஹ்லி(14),
டிவிலியர்ஸ்(10) அவுட்டாக, 7.2 ஓவரில் 4 விக்கெட்டுக்கு 25 ரன்கள் மட்டும்
எடுத்து பெங்களூரு அணி தள்ளாடியது. தொடர்ந்து "சூப்பர்' பவுலிங்கை
வெளிப்படுத்திய பாலாஜி, அகர்வாலை (5) வெளியேற்றினார். சிறிது நேரம் அதிரடி
காட்டிய வெட்டோரியும்(20), பாலாஜி பந்தில் போல்டானார்.
சவுரப்
திவாரி (18), ஹர்ஷால் படேல் (10) நிலைக்கவில்லை. வினய் குமார் (25)
போராட்டம் வீணானது. 20 ஓவரில் பெங்களூரு ராயல் சாலஞ்சர்ஸ் அணி, 9
விக்கெட்டுக்கு 123 ரன்கள் எடுத்து 42 ரன்கள் வித்தியாசத்தில்
தோல்வியடைந்தது.
அபாரமாக பந்துவீசி நான்கு விக்கெட் வீழ்த்திய பாலாஜி ஆட்ட நாயகன் விருதை வென்றார்.
காம்பிர் "1500'
நேற்று
கோல்கட்டா அணியின் கேப்டன் காம்பிர் 9 ரன்கள் எடுத்த போது, ஐ.பி.எல்.,
வரலாற்றில் 1500 ரன்கள் கடந்த 6வது வீரர் என்ற பெருமை பெற்றார். முதல்
மூன்று இடத்தில் சென்னை வீரர் ரெய்னா (1865 ரன்கள்), மும்பை அணியின்
சச்சின் (1739), பஞ்சாப் அணி கேப்டன் கில்கிறிஸ்ட் (1636) உள்ளனர்.
குப்பை அகற்ற மறுப்பு
கர்நாடக
கிரிக்கெட் சங்கம் (கே.எஸ்.சி.ஏ.,) சார்பில், பெங்களூரு மாநகராட்சிக்கு
250 இலவச டிக்கெட் கொடுக்கப்பட்டது. கூடுதலாக டிக்கெட் கேட்டனர். இதற்கு
மறுத்ததால், கடந்த 7ம் தேதி டில்லி அணிக்கு எதிரான போட்டியின் போது,
மைதானத்தில் தேங்கிய குப்பைகளை, ஊழியர்கள் அகற்ற மறுத்தனர். இதுகுறித்து
துணை மேயர் ஹரிஷ் கூறுகையில்,""குப்பைகளை அகற்ற கி.கி., ஒன்றுக்கு ரூ. 5 தர
வேண்டும். இதன் படி, பெங்களூரு மைதானத்தில் 18,000 கி.கி., குப்பை
தேங்குகிறது. இதற்கு ரூ. 90,000 தரவேண்டும். ஆனால், கே.எஸ்.சி.ஏ., ரூ.
15,000 மட்டுமே தருகின்றனர்,'' என்றார்.
இதுபோன்ற காரணத்தினால், மண்டல இணைக்கமிஷனர் குப்பைகளை அகற்ற வேண்டாம் என்று உத்தரவிட்டதாக தெரிகிறது.
1, 2, 3, 4, 5
நேற்று
கோல்கட்டா அணி 9 பேட்ஸ்மேன்களுடன் களமிறங்கியது. இதில் "டாப்-3' வீரர்கள்
மட்டுமே இரட்டை இலக்க ரன்களை தாண்டினர். அடுத்து வந்த யூசுப் பதான்,
திவாரி, டஸ்காட்டே, சாகிப் அல் ஹசன், சுக்லா ஆகியோர் வரிசையாக 1, 2, 3, 4, 5
என ரன்கள் எடுத்து அவுட்டானது வித்தியாசமாக இருந்தது.
ஜாகிர் "50'
கோல்கட்டாவுக்கு
எதிராக வேகத்தில் அசத்திய பெங்களூரு அணியின் ஜாகிர் கான் இரண்டு விக்கெட்
கைப்பற்றினார். இதன்மூலம் ஐ.பி.எல்., அரங்கில், 50 அல்லது அதற்குமேல்
விக்கெட் வீழ்த்தியவர்கள் பட்டியலில் இணைந்தார். தவிர இவர், இம்மைல்கல்லை
எட்டிய பத்தாவது வீரரானார். இதுவரை இவர், 48 போட்டியில் பங்கேற்று 51
விக்கெட் வீழ்த்தி உள்ளார். முதல் மூன்று இடங்களில் மும்பை அணியின் மலிங்கா
(68 விக்.,), ஆர்.பி. சிங் (64 விக்.,), பிரக்யான் ஓஜா (63 விக்.,)
ஆகியோர் உள்ளனர்.