அணுமின் நிலையத்துக்கு எதிர்ப்பு: மகாராஷ்டிர முழு அடைப்பில் வன்முறை

ரத்னகிரி,
மும்பை: ஏப். 19: மகாராஷ்டிர மாநிலம் ஜெய்தாப்பூரில் அணுமின்நிலையம்
அமைக்கப்படுவதற்கு எதிர்ப்புத் தெரிவித்து செவ்வாய்க்கிழமை நடத்தப்பட்ட
முழு அடைப்புப் போராட்டத்தின்போது வன்முறை வெடித்தது.அரசு
மருத்துவமனை சூறையாடப்பட்டது, பஸ்கள் தீவைத்துக் கொளுத்தப்பட்டன,
முக்கியச் சாலைகளில் போராட்டக்காரர்கள் டயர்களை எரித்துப் போக்குவரத்தை
தடை செய்தனர். போராட்டம் நடத்தியவர்கள் மீது போலீஸôர் தடியடி நடத்தினர்.
இதனால் அந்தப் பகுதியில் பதற்றம் நிலவுகிறது.மகாராஷ்டிர மாநிலம்
ரத்னகிரி மாவட்டம் ஜெய்தாப்பூரில் 9900 மெகாவாட் திறன்கொண்ட அணுமின்
நிலையம் அமைக்க திட்டமிடப்பட்டுள்ளது. 6 மின் உலைகளைக் கொண்ட இந்த மின்
நிலையம், உலகிலேயே மிகப்பெரியதாக இருக்கும் என மதிப்பிடப்பட்டுள்ளது.ஜப்பானில்
ஏற்பட்ட பயங்கரமான நிலநடுக்கம், அதன்பிறகு வந்த சுனாமியால் அங்குள்ள
அணுஉலைகளில் குளிர்விப்பான்கள் செயலிழந்து கதிர்வீச்சு பரவிவருவதையடுத்து,
ஜெய்தாப்பூர் அணுமின் நிலையத்துக்கு எதிரான போராட்டம் தீவிரமடைந்தது.அணுமின்
நிலையத்துக்கு எதிர்ப்புத் தெரிவித்து திங்கள்கிழமை சுமார் 700 பேர்
சக்ரினேட் கிராமத்தில் போராட்டம் நடத்தினர். அப்போது காவல்நிலையம் அடித்து
நொறுக்கப்பட்டது. இதையடுத்து போலீஸôர் நடத்திய துப்பாக்கிச் சூட்டில்
தப்ரீஸ் அப்துல் சயனேகர் என்பவர் பலியானார்.மருத்துவமனை சூறை:போலீஸ்
துப்பாக்கிச் சூட்டில் தப்ரீஸ் பலியானதைக் கண்டித்து ரத்னகிரி
மாவட்டத்தில் செவ்வாய்க்கிழமை முழு அடைப்புக்கு சிவசேனை கட்சி அழைப்பு
விடுத்திருந்தது. இதற்கு மாவட்டம் முழுவதும் நல்ல வரவேற்பு கிடைத்தது.பெரும்பாலான கடைகள் அடைக்கப்பட்டிருந்தன. வாகனப் போக்குவரத்து மிகவும் குறைவாகவே காணப்பட்டது.தப்ரீஸின்
உடல் பிரேதப் பரிசோதனை செய்யப்பட்ட ரத்னகிரி மாவட்டமருத்துமனை அருகே
நூற்றுக்கணக்கானோர் குவிந்தனர். ஆனாலும், தப்ரீஸின் உடலை வாங்குவதற்கு
அவரது உறவினர்களோ, கிராம மக்களோ முன்வரவில்லை.திடீரென
மருத்துவமனைகளுக்குள் நுழைந்த போராட்டக்காரர்கள், அங்கிருந்த பொருள்களை
அடித்து நொறுக்கினர். சாலையில் சென்ற அரசுப் பேருந்துகளை கற்கள் வீசித்
தாக்கினர். இதையடுத்து அவர்கள் மீது போலீஸôர் தடியடி நடத்தினர்.நிலைமையைக் கட்டுக்குள் கொண்டுவருவதற்காக அங்கு 144 தடை உத்தரவு அமல்படுத்தப்பட்டது.மாஜிஸ்திரேட்
விசாரணை: மகாராஷ்டிர சட்டப் பேரவையில் ஜெய்தாப்பூர் அணுமின் நிலைய
விவகாரம் காரசாரமாக விவாதிக்கப்பட்டது. போலீஸ் துப்பாக்கிச் சூட்டில்
ஒருவர் பலியானது குறித்து நீதி விசாரணைக்கு உத்தரவிட வேண்டும் என்று
எதிர்கட்சித் தலைவர் ஏக்நாத் காட்úஸ பேரவையில் கோரிக்கை விடுத்தார். அணுமின்
நிலையம் அமைக்கும் திட்டத்தைக் கைவிட வேண்டும் என்றும் கோரப்பட்டது.
ஆனால், ஆளும் கூட்டணி உறுப்பினர்கள் அணுமின் திட்டத்தை ஆதரித்துப் பேசினர்.எனினும் போலீஸ் துப்பாக்கிச் சூடு குறித்து மாஜிஸ்திரேட் விசாரணை நடத்துவதற்கு அரசு உத்தரவிட்டது.எதிர்க்கட்சிகள் கண்டனம்:அணுமின்
நிலையத் திட்டத்தை கைவிட அரசு மறுப்பது, துப்பாக்கிச் சூட்டில் ஒருவர்
பலியானது ஆகியவற்றுக்கு எதிர்க்கட்சிகள் கடும் கண்டனம் தெரிவித்துள்ளன.போலீஸ்
துப்பாக்கிச் சூட்டுக்கு அரசு கடும் விலை கொடுத்தாக வேண்டும் என்று
சிவசேனை கட்சியின் செயல் தலைவர் உத்தவ் தாக்கரே எச்சரிக்கை விடுத்தார்.முதல்வர் பிருத்விராஜ் சவாண், வீட்டுக்குச் செல்வதற்கு நேரம் வந்துவிட்டது என்றும் அவர் கூறினார்.அணுமின்
திட்டத்தை உடனே நிறுத்த வேண்டும் என்று கூறியுள்ள மார்க்சிஸ்ட் கட்சியின்
பொலிட்பீரோ, "ஜெய்தாப்பூர் திட்டத்துக்காக பிரான்ஸ் நிறுவனத்திடமிருந்து
வாங்கப்படும் அணு உலைகள் இதுவரை உலகில் வேறு எங்கும்
பயன்படுத்தப்படவில்லை. அவற்றின் பாதுகாப்பு நம்பகத்தன்மை
சந்தேகத்துக்குரியது' எனத் தெரிவித்துள்ளது."அரசியல் சதி': அதே நேரத்தில் அணுமின் நிலையத்துக்கு எதிரான போராட்டம் அரசியல் சதி என அரசு கூறியது. சக்ரினேட்
காவல்நிலையம் அடித்து நொறுக்கப்பட்டது, அணுமின் நிலையம் அமைய இருக்கும்
பகுதியில் வன்முறை நடந்தது ஆகியவற்றுக்குப் பின்னணியில் அரசியல் சதி ஏதும்
இருக்கிறதா என்பது குறித்து விசாரணை நடத்தப்படும் என்று உள்துறை அமைச்சர்
ஆர்.ஆர்.பாட்டீல் பேரவையில் தெரிவித்தார்.தில்லியில்
செய்தியாளர்களிடம் பேசிய காங்கிரஸ் கட்சியின் செய்தித் தொடர்பாளர் மணீஷ்
திவாரி, "போலீஸ் துப்பாக்கிச் சூட்டில் ஒருவர் இறந்தது
வருத்தத்துக்குரியது.அதே நேரத்தில் இந்தப் போராட்டங்கள் எல்லாம்
நியாயமான காரணங்களுக்காக நடத்தப்படுகிறதா அல்லது சிலரின் சுயலாபத்துக்காக
நடத்தப்படுகிறதா என்பதைக் கண்டறிய வேண்டும்' என்றார்.