சிரிக்கும் தமிழ்ச்செல்வனின் சிலைக்கு பின்னால் இருக்கிறது விஷம்! இலங்கைத் தூதுவர்

by **ஜனனி** Tue Feb 22, 2011 8:05 am

தமிழீழ விடுதலைப் புலிகள் இயக்கத்தின் அரசியல் துறைப் பொறுப்பாளர்
சு.ப.தமிழ்ச்செல்வனின் சிலை மூலமாக பிரான்ஸிற்கும் இலங்கைக்கும் இடையிலான
நட்பை சீர்குலைக்க சில குழுக்கள் முயற்சி செய்கின்றன என்று பிரான்ஸிற்கான
இலங்கைத் தூதுவர் கலாநிதி தயான் ஜயதிலக தெரிவித்து உள்ளார்.

தமிழீழ விடுதலைப் புலிகள் இயக்கத்தின் அரசியல் துறைப் பொறுப்பாளராக இருந்த
சு.ப. தமிழ்ச்செல்வனுக்கு பிரான்ஸில் புலம்பெயர் தமிழர்களால் சிலை ஒன்று
கடந்த வருடம் நவம்பர் 01 ஆம் திகதி La Courneuve நகரத்தில் வைக்கப்பட்டது.

பின் இலங்கை அரசின் எதிர்ப்பு நடவடிக்கைகள் காரணமாக அதிகாரிகளால் அங்கிருந்து அகற்றப்பட்டது.

தற்போது இச்சிலை மீண்டும் பழைய இடத்தில் காட்சி கொடுக்கின்றது.

இவ்விடயம் குறித்து ஊடகம் ஒன்றுக்கு கருத்துக் கூறியபோதே இவர் இவ்வாறு கூறினார்.

இவர் குறிப்பிட்டவை வருமாறு:-

பிரான்ஸிற்கும் இலங்கைக்கும் இடையிலான நெருங்கிய உறவைப் பொறுத்தவரை தமிழ்ச்செல்வனின் சிலை விவகாரம் ஒரு மிக சிறிய விடயம்.
ஆனால் பிரான்ஸ் வெளியுறவு அமைச்சுக்கு தெரியப்படுத்தி இருக்கின்றோம்.

ஆயினும் பிரான்ஸின் உள்நாட்டு சட்டங்கள் பற்றி இலங்கை அரசு அறிந்து வைத்து
இருக்கின்றது. தமிழ்ச்செல்வன் போன்றவர்களுக்கும் அங்கு மக்கள் சிலை எடுக்க
அச்சட்டம் அனுமதிக்கின்றது. எனவே இச்சிலை விவகாரத்தில் பிரான்ஸ் மீது நாம்
கொதிப்பு அடைய மாட்டோம்.

பிரான்ஸிற்கும் இலங்கைக்கும் இடையிலான உறவை சீர்குலைக்க பயங்கரவாதிகள்
இச்சிலை வைப்பு மூலம் முயற்சிக்கின்றனர். இச்சிலை வைப்பின் உள் நோக்கத்தை
பிரான்ஸ் நாட்டு சிவில் சமூகத்தினரும் உணர்ந்து கொள்ள வேண்டும்!
tamilcnn