ஈச்சங்குலை...!!. {கவிதைகள் }

by **ந.க. துறைவன்** Tue Jul 01, 2014 3:38 pm

மகிழும் தவளைகள்….!!
*
விளையாட்டு காட்டுகிறது பூக்களுக்கு
இரவில் ஒளி சிந்தி மின்மினிகள்
*
இருளில் எவரை வேவு பார்க்கின்றன
இரவில் விழித்திருக்கும் ஆந்தைகள்.
*
காதல் கிளிகளின் கூடுகளை
எட்டி.ப்பார்க்கின்றன காக்கைகள்.
*
இரவுமில்லை பகலுமில்லை
நீரில் வாழும் மீன்களுக்கு…
*
மழை நின்றபின் இரவெல்லாம்
கொண்டாட்டம் கத்தி மகிழும தவளைகள்.
*

by **ந.க. துறைவன்** Tue Jul 08, 2014 10:21 am

*
பூமியே அழகு தானே….
*
பெருக்கி பெருக்கி சுத்தப் படுத்தினாலும்
பூக்களை உதிர்க்கிறது பவழமல்லி மரங்கள்.
*
சருகு இலையைக் கொண்டு வந்து
சேர்த்து விட்டுப் போகிறது காற்று.
*
பாதையில் போகும் மனிதர்கள்
மனம் நிறையக் குப்பைகள்.
-

by **ந.க. துறைவன்** Sat Jul 12, 2014 9:45 am

*
மனக்குப்பை….!!
*
மக்காதக் குப்பைகள் போலாகி விட்டது
மனிதர்களின் எண்ணங்கள்.
*
மக்கும் குப்பைகள் பூமிக்கு உரம்
மக்காத குப்பைகள் பூமிக்கு நஞ்சு.
*
வாரி வாரி போகிறது நகராட்சி
லாரி நிறைய குப்பைகள்..
*

by **ந.க. துறைவன்** Wed Jul 16, 2014 11:21 am

*
தேடுகிறார்கள்…!!
*
நீரின் அழுக்கைச் சுத்தப் படுத்தி
சுகாதாரமாய் வாழ்கின்றன மீன்கள்.
*
பொறாமைகள் தீயில் எரிகிறது
திகுதிகுவென்று குப்பைத் தொட்டி.
*
சுத்தம் பாதி குப்பைகள் பாதியாய்
என்றும் காட்சியளிக்கிறது நகரவீதி.
*
குப்பையில் தேடியெடுக்கிறார்கள்
பொருட்கள் விற்று பிழைப்பதற்கு….
*

by **ந.க. துறைவன்** Fri Jul 25, 2014 3:27 pm

*
தேனீர்….!! [கவிதை].
*
ஊற்சாகமாய் பேசி கலகலப் பாக்குகிறார்
டீ குடித்த நண்பர்.
*
நட்பை உருவாக்குகிறது
ஒரு கப் தேனீர்.
*

by **ந.க. துறைவன்** Tue Jul 29, 2014 11:35 am

மண் வாசனை…!!
*
மண்வாசனை வீசுகிறது
வரும் போலிருக்கிறது மழை.
*
பாடலின் பொருள் தெரியாமல்
இசையைக் கேட்கிறது குழந்தை.
*
நினைத்தபோது பார்க்க முடியவில்லை
நினைக்காதபோது பார்க்க முடிகிறது.
*

by **ந.க. துறைவன்** Fri Aug 01, 2014 4:13 pm

*
அச்சத்துடன்…!!
*
ஆலங்கட்டி மழை வேகத்தில்
மடமடவென கிழிந்தன வாழையிலைகள்.
*
ஈரப்பதமான காற்றின் குளுமையை
அனுபவித்துத் திரிகின்றன ஈசல்கள்.
*
ஆடு கோழிகள் அச்சத்துடன் திரிகின்றன
ஆடியில் அம்மனுக்குப் பலி.
*

by **ந.க. துறைவன்** Sun Aug 03, 2014 12:35 pm

ஊசிநூல்….!!
*
பூசைக்கு உபயோகிப்பதில்லை
தேக்கு மரப் பூக்கள்.
*
ஆசைகளைச் சுமந்து மேலே வருகிறது
கிணற்றிலிருந்து வாளி நிறைய தண்ணீர்.
*
வெட்டுவது கத்திரிக்கோல்
நட்பை இணைப்பது ஊசிநூல்.
*

by **ந.க. துறைவன்** Wed Aug 13, 2014 5:16 pm

*
மாதிரி…!! [ கவிதை ]
*
வருத்தப்படுவது மாதிரி தெரிகிறார்கள்
யார் முகத்திலும் வருத்தமில்லை.
*
உடல் பரிசோதனைச் செய்கிறார்கள்
பாதையோரம் குடையின் கீழ்….
*
இன்னும் நோஞ்சானகவே இருக்கிறார்கள்
சத்துணவு சாப்பிடும் குழந்தைகள்.
*

by **ந.க. துறைவன்** Wed Aug 20, 2014 10:10 am

*
இடம்விட்டு…!!
*
சொல்லி என்னவாகப் போகிறது?
சொல்லி இருக்கலாமே…!!.
*
படுத்திருந்தவர் எழுந்தார்
படுக்க வந்தவருக்கு இடம்விட்டு…!!.
*
வார்த்தைகள் கண்டபடி வந்தது
சண்டை உடனே வந்தது
*
தலைகுனிந்து வெட்கப்பட்டான்
சிரித்தவள் துக்கப்பட்டாள்.
*

by **ந.க. துறைவன்** Wed Aug 27, 2014 11:01 am

*
நினைவுகள்…!!
*
அழுக்கு நீங்கச் சுத்தம் செய்கிறோம்
சுத்தம் செய்யசெய்ய அழுக்கு சேர்கிறது.
*
மனமெல்லாம் காதல் நினைவுகள்
மரம் நிறையச் செம்பருத்திப் பூக்கள்.
*
சிரித்தவன் வாய் துர்நாற்றம்
வெண்பற்கள் பான்பராக் நிறமாற்றம்.
*
என்ன சும்மா இருக்கீங்க?
சும்மா இருக்கத்துானே சொன்னாங்க….
*
செல்லக் குழந்தைக்குப் பாராட்டு
தாய்ப்பாடி மகிழ்வாள் தாலாட்டு.
*
நெஞ்சுருக அம்பாளின் பாசுரம்
பாடினாள் தருவாள் வேண்டும் வரம்.
*

by **ந.க. துறைவன்** Tue Sep 02, 2014 9:58 am

மறுப்பு…!!
*
வரச் சொன்னவர் வரவில்லை
வராதவர் வந்திருந்தார் இன்று.
*
சுடர்ந்து அணைந்திருந்தது
கோயில் வாசல்படியில் விளக்கு
*
இறங்க மறுக்கிறது.
ஏறுகின்ற விலை.
*
பாவம் போக்க புண்ணியம் செய்கிறார்கள்
புண்ணியம் சேர்க்க தர்மம் செய்கிறார்கள்.
*
ஆரோக்கியம் தேடித் தேடி
அருவியில் குளிக்கிறார்கள்.
*

by **ந.க. துறைவன்** Wed Sep 03, 2014 9:23 am

*
நினைவு….!!
*
நினைவிலிருந்து மறந்து விட்டது
நினைவிற்கு வந்தது திடீரென இன்று.
*
அருந்தியவனுக்குத் தெரியும்
அருகம்புல்லின் மருத்துவக் குணம்.
*
வீழ்த்தப்பட்டவர்கள் எழுவார்கள்
வீழ்த்தியவர்கள் வீழ்வார்கள்.
*
கத்திரிப்பூ பூத்திருச்சி
காதல் மலர்ந்திருச்சி.
*
தினமொரு ஆடையணிகிறது
ஜவுளிக் கடைப் பொம்மைகள்
*

by **ந.க. துறைவன்** Wed Sep 03, 2014 9:24 am

*
நினைவு….!!
*
நினைவிலிருந்து மறந்து விட்டது
நினைவிற்கு வந்தது திடீரென இன்று.
*
அருந்தியவனுக்குத் தெரியும்
அருகம்புல்லின் மருத்துவக் குணம்.
*
வீழ்த்தப்பட்டவர்கள் எழுவார்கள்
வீழ்த்தியவர்கள் வீழ்வார்கள்.
*
கத்திரிப்பூ பூத்திருச்சி
காதல் மலர்ந்திருச்சி.
*
தினமொரு ஆடையணிகிறது
ஜவுளிக் கடைப் பொம்மைகள்
*

by **ந.க. துறைவன்** Mon Sep 15, 2014 12:43 pm

அத்திப் பழம்…!!
*
தவளைகள் தூங்கவில்லை
இரவெல்லாம் கனத்த மழை.
*
வண்டுகள் பொய் சொன்னாலும்
செவிமடுப்பதில்லை பூக்கள்.
*
உள்ளே புழு பூச்சிகள் நெளிகிறது
இனிக்கும் அழகான அத்திப் பழம்.
*
நெருப்பென்றால் வாய் சுடும்
ஐஸ் என்றால் வாய் இனிக்கும்
*
வெளியில் தெரியாது எப்பொழுதும்
உள்ளிருக்கும் பொறாமை.
*

by **ந.க. துறைவன்** Wed Oct 08, 2014 9:30 am

மாற்றம்…!!
*
மாற்றத்தை தானே செய்துக் கொள்கின்றன
மாற்றத்தை விரும்பும் இயற்கை.
*
மாற்றத்தை செய்து காட்டுவார்கள்
மாற்றத்தை விரும்பும் மக்கள்.
*
வலிந்து திணிப்பதல்ல மாற்றம்
மனதிலிருந்து எழுவதே மாற்றம்.
*
மாற்றத்திலிருந்து உதிப்பதே
மாற்றுச் சிந்தனை.
*
மாற்றங்களையும் ஏமாற்றங்களையும்
பகுத்தறிந்துக் கொள்ளும் அறிவு.
*

by **ந.க. துறைவன்** Mon Oct 13, 2014 9:19 am

அதீதம்….!!
*
ஆபத்தானதாகி விடுகிறது
அதீதமான சிந்தனை.
*
கனவுகள் பொய்யல்ல, எப்போதேனும்
நிஜமாகின்றன கனவுகள்.
*
குழந்தைகள் கற்றுக் கொடுக்கிறார்கள்
பெரியவர்களுக்குப் பாடங்கள்.
*

by **ந.க. துறைவன்** Fri Oct 24, 2014 10:20 am

சொல்…!!
*
சொல்வதற்கு ஒன்றுமில்லையென்று
சொல்லிக் கொண்டேயிருக்கிறார்கள்.
*
சொல்வது யாருக்கும் எளிது
சொல்லாமல் இருப்பதுதான் கடினம்.
*
படபடவென்று பேசுவோர்கள்
பயன்படுத்துவர் பயனற்ற பலசொல்.
*
சொல்பேச்சை யாரும் கேட்கவில்லை என்று
சொல்லிக் குறைபடுவர் பெற்றோர்.
*
உபயோகமான சொல் அன்பு வளர்க்கும்
உதவாதச் சொல் உபத்திரம் தரும்.
*

by **ந.க. துறைவன்** Tue Nov 04, 2014 9:16 am

பெயர்கள்…!!
*
மனவிரிசல்களை நொடிக்குள் தீர்த்து
வைக்கின்றது இருவரின் சுகந்த மௌனம்.
*
ஆண் – பெண் அடையாளமே
அழைக்கும் நம் பெயர்கள்.
*
உதயமாகும் புதுபுதுக் கட்சிகள்
உடைந்து உடைந்து வளர்கிறது.
*
குற்றங்களை நியாயப் படுத்துகின்றது
ஓங்கி ஓலிக்கும் பக்திக் குரல்கள்.
*
முன்னும் பின்னும் பின் தொடர்கிறது
என்னை என் நிஜநிழல்.
*

by **ந.க. துறைவன்** Fri Nov 07, 2014 9:57 am

மிஸ்டுகால்….!!
*
தொலைத்தவர்கள் தேடுகிறார்கள்
தேடுகிறவர்கள் அடைகிறார்கள்.
*
அம்மையப்பன் அரசு
தமிழ்நாட்டிற்று மிகப் பழசு.
*
உண்டி கொடுப்பவர்க்கு
உதவிகள் செய்வோரில்லை.
*
உலகில் அதிக உறுப்பினர்கள் கொண்டது
மிஸ்டுகால் உபயோகிப்போர் சங்கம்.

by Sponsored content

ஈச்சங்குலை...!!. {கவிதைகள் }

ஈச்சங்குலை...!!. {கவிதைகள் }

Re: ஈச்சங்குலை...!!. {கவிதைகள் }

Re: ஈச்சங்குலை...!!. {கவிதைகள் }

Re: ஈச்சங்குலை...!!. {கவிதைகள் }

Re: ஈச்சங்குலை...!!. {கவிதைகள் }

Re: ஈச்சங்குலை...!!. {கவிதைகள் }

Re: ஈச்சங்குலை...!!. {கவிதைகள் }

Re: ஈச்சங்குலை...!!. {கவிதைகள் }

Re: ஈச்சங்குலை...!!. {கவிதைகள் }

Re: ஈச்சங்குலை...!!. {கவிதைகள் }

Re: ஈச்சங்குலை...!!. {கவிதைகள் }

Re: ஈச்சங்குலை...!!. {கவிதைகள் }

Re: ஈச்சங்குலை...!!. {கவிதைகள் }

Re: ஈச்சங்குலை...!!. {கவிதைகள் }

Re: ஈச்சங்குலை...!!. {கவிதைகள் }

Re: ஈச்சங்குலை...!!. {கவிதைகள் }

Re: ஈச்சங்குலை...!!. {கவிதைகள் }

Re: ஈச்சங்குலை...!!. {கவிதைகள் }

Re: ஈச்சங்குலை...!!. {கவிதைகள் }

Re: ஈச்சங்குலை...!!. {கவிதைகள் }

Re: ஈச்சங்குலை...!!. {கவிதைகள் }